鄧紫棋疑連環爆粗片段曝光　狂鬧工作人員：離X晒大譜黐X筋

歌手鄧紫棋（G.E.M.）巡唱最後一站肇慶站日前已經順利完成，不過網上流出疑似G.E.M.為開騷綵排偷拍片，片中聽到一把疑似G.E.M.嘅女聲質問音響工作人員，意指Reverb（回音）過大，但對方就向其表示已經調至冇聲，女聲繼續大鬧並連環爆粗道：「冇Reverb呀？呢度係完全冇？真係離X晒大譜，黐X筋…你細少少人聲呢畀我就……」

有網友估計拍攝現場就正正係肇慶場，亦有網友力撐「咁個reverb又真係大嘅 明明未熄reverb又點解話完全冇呢」，同時有網友指G.E.M.未有爆粗，佢只係講咗「乸」字，並非粗口。由於G.E.M.近年主攻內地市場，極少於香港現身，有網友即表示好耐冇聽過佢講廣東話，又質疑點解佢會用廣東話同工作人員交流，即有網友表示原來其團隊大部分都係香港人。