李司棋遇詐騙秒識穿　「大契」金句擊退騙徒

近年騙徒無所不用其極，不少人都有遇到電話騙案。一向活躍於社交網的藝人李司棋，日前就分享了自己成功擊退騙徒的經歷。從相中可見，騙徒訛稱自己誤將2,000港元轉到李司棋的戶口，還附上過數截圖，表示屋企人要做手術，急需要付手術費。

不過機智過人的司棋姐第一時間便識穿騙徒陰謀，表示自己並沒有收到對方過數，更說：「即係有呢$2000就唔使盲？名副其實見錢開眼喎！糖尿好長手尾，真係會上眼，叫你位親戚戒口啦」。在對方表示做手術的是自己母親，不停催司棋姐過數，她即「荷媽」上身，質問對方：「係喎，你母親知唔知你做啲咁嘅嘢？」以及「我意思係過錯數。不過做個手術先$2000都幾抵，佢都可以唔戒口，有咩事咪做多次手術囉。」

最後司棋姐還錄音以「荷媽」經典對白回覆騙徒，「我睇人睇咗幾十年喇，邊個係人，邊個係鬼，我睇得出！想呃我？我呃大㗎！」成功將騙徒擊退。