鮮娛糧丨劉亦菲引牛仔褲搶購潮 櫃姐指「微胖」遭品牌即時解僱

新聞觀看次數:16.6k
香港時間
01月27日(一) 18:01
東網電視
更多新聞短片
視頻觀看次數: 13.5k
內地頂流女星劉亦菲因為近期着上一品牌牛仔褲引發話題,好多人睇到相之後就跟風搶購同款,點知竟然出事,有粉絲發現該品牌櫃姐回覆客戶留言稱:「其實劉亦菲有點微胖,所以你們穿也比她好看。」引嚟大批劉亦菲粉絲不滿,截圖甫上網公審,最終遭品牌解雇,事件直登熱搜。
劉亦菲因為一條牛仔褲,就為品牌帶嚟將近500萬明星效應。
日前劉亦菲因為着上一條背面有蝴蝶結嘅牛仔褲,被網友偶遇後上載到網上,點知劉亦菲雖然唔係該品牌代言人,但呢條牛仔褲竟然一瞬間賣出3,000多條,本身一條都單價1,500元人民幣(下同,約1,608港元),淨係呢件單品就帶嚟將近500萬(約536萬港元)生意,明星效應非同小可。
因為櫃姐回覆激嬲粉絲後,有多人接連選擇退貨,品牌方即急急發聲明表示該櫃姐因不當言論被解僱,公司亦將對員工進行更嚴格嘅行為規範培訓,以避免類似事件再次發生。不過針對此事件,網友意見分歧,有部分人認為櫃姐本意只為氹客戶開心,並無貶低劉亦菲之意,但亦有人認為佢用到官方號發言,已經影響品牌形象。
不過品牌櫃姐就同網友講「劉亦菲微胖」。
即刻被劉亦菲粉絲攻擊,好多人退貨。
櫃姐被炒一事登上熱搜。
咁都得
35
唔多掂
12
無眼睇
12
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。