黃庭鋒姚宏遠踩落銅鑼灣派揮春 升呢「師奶殺手」

新聞觀看次數:1.7k
香港時間
01月28日(二) 17:02
東網電視
更多新聞短片
無綫劇《富貴千團》男主角黃庭鋒和姚宏遠,今日(28日)踩落銅鑼灣大派揮春及朱古力為劇集宣傳,沿途大受媽咪級的觀眾歡迎,隨時升呢為「師奶殺手」。兩位型男表示首次落區派揮春及朱古力,心情相當緊張,因為沒想過街上多路人,黃庭鋒說:「好少行銅鑼灣,平時揸車都係點對點。」又謂會派幾百張揮春,姚宏遠則說也攞了幾張揮春回家自用。
談及兩人在劇中騷肌,黃庭鋒表示自己只是半裸,不及飾演健身教練的姚宏遠要接近要全裸演出:「其實佢只係着咗條肉色底褲,鏡頭就拍佢背面,不過我就好近咁睇晒佢前面,覺得好立體囉。」而姚宏遠就笑得尷尬說:「尺度好大,去到盡,觀眾嘅角度我係全裸,但唔要睇到嘅係睇唔到,不過拍嗰時就唔覺得尷尬,因為我好認真咁諗住啲對白,事後諗番都好尷尬嘅。」
問到新劇在年廿八首播,可擔心觀眾在新年期間外遊而影響收視,黃庭鋒謂曾思考過收視問題,但不少朋友跟他說反而有利無弊:「因為啲人去拜年時,喺屋企有咩做,梗係開住電視食住嘢先啦,聽到啲觀眾話睇咗第一頁都覺得幾搞笑,題材又新鮮啦,拍法又幾新穎,會繼續追看。」
黃庭鋒同姚宏遠踩落銅鑼灣。
一齊派揮春!
相當落力!
兩人在劇中騷肌!
好嘢
1
唔錯
1
撐呀
21
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。