網民熱話:買咗樓唔敢話俾人知?

20150107
東網電視
更多新聞短片
潮流興低調,買到樓都要「收收埋埋」?
香港人執到錢都第一時間post上facebook,買到樓這些人生大事又怎會「收收埋埋」呢?之不過原來最近潮流興低調,有業主在討論區發帖指自己最近入手第4層樓,但擔心「無樓的眼啤住,唔好受,覺得你係大地主,欺壓小市民」,於是忍口沒有跟其他人分享, 惟有在討論區匿名發帖,「上嚟討論區講完,舒服哂!」
一班上了岸的網友齊齊和應要「扮窮」,指「閉聲發財是對的」。香港地4百萬元有找的樓幾乎絕迹,現在上到車的人都非富則貴,不想被一班無殼蝸牛眼紅,成為仇富的對象,買樓少不免鬼鬼祟崇。
講錢傷感情,但原來有樓之人跟無樓之人「講樓」的威力亦不弱。有業主就分享經驗之談,「你同佢share成功經驗又會眼紅你覺得你曬命。有嘢想提醒佢又可能覺得你扮勁。租樓等跌個班就更加易潑冷水兼嘈交。」一個不小心,分分鐘「講下講下無咗個friend」。
樓價不見頂,hold住幾層樓的業主荷包愈來愈漲。親朋戚友難免有這樣的想法:「反正你賺吾少,分d出來用下。」跟親朋戚友開心share自己有幾層樓的下場是什麼?有網友就有慘痛經歷。「我俾親戚問借錢,唔借即時問候我個仔」,另一網民似乎同樣身受其害,插嘴補充「仲要唔還」。你一句,我一句,總之結論是「財不可露眼」、「有幾層樓的還是內斂一點」。
有位師兄的留言仲搞笑,「我屋苑是本區有名的,試過坐的士,俾的士佬串,還刻意兜路。」香港人的仇富程度果然厲害。
小記以為只有上不到車的人頭痕,原來一班業主都要承受這麼多心理壓力,真係要幫班等上車的苦主講聲:辛苦你地喇!