魚缸通：散戶膽粗粗撈渣打

中資金融股強勢，但外資銀行股就無運行。上周突然宣布結束全球證券業務既渣打(02888)，股份已捱價逾半年，唔少股民都揸住一籮籮蟹貨；正當以為消息有助消除部分負面因素時，估唔到股價今日又創新低，睇嚟呢籮蟹貨仲有排揸。

不過，致富證券荃灣分行經理劉偉洪(Ray)話，今朝有位散戶大手撈底，投資額都唔細，似係早有部署，而且有心理準備作中長線投資。到底佢對渣打前景真係咁樂觀，定係純粹為「溝貨」？只有佢先知。