m18講場：港人eBanking不設防

又話怕又要做，又話驚驚但又唔自我保護，咁即係點先！絲絲係講緊香港人用手機使用電子銀行服務嘅心態。

今時今日，不論身在何方，只要一機在手，隨時都可以用電子銀行服務，轉錢過數匯款乜都得，流動電子銀行服務不知幾方便。

信貸資料庫營運公司環聯委託調研機構訪問咗500個香港成年人，出咗份報告都話，有4成人平均每月喺智能手機或裝置上使用電子銀行服務至少3次。不過，同時有45%受訪者覺得好唔安全，擔心身份會被盜用。若唔見手機，過半數(52%)最驚個人資料外洩，多過怕花錢花時間換手機(7%)一大截。

又要用又驚驚，睇怕點都會自我保護吓啩？你以為。原來有25%喺過去3年都無轉過密碼，最得人驚嘅係有23%乜嘢App都用同樣密碼。警覺性低到咁，點搞呀﹖

多啲換密碼就梗架啦，環聯仲醒多大家四招(睇下面個表)。咦，最後嗰招係定期Check吓自己信貸狀況有冇畀人整古做怪，咁咪即係叫人幫襯番環聯？

─ ─ ─ ─ ─ ─ ─ ─ ─ ─ ─ ─

「東網Money18」fb專頁：有討論、有分析，齊來FUN享，贏盡●你Like