後生仔女齊估1月股樓 你又點睇？
20160101
東網電視
更多新聞短片
啱啱過咗嘅12月，港股認真難估。上個月《東網》搵咗專家同資深散戶，仲有少女股神一齊預測，最後估21,800點嘅恒管學生Maisy「鍊贏」班股壇老手，一注獨中。所以話呢，無論喺股市或者樓市，都係「莫欺少年窮」。
既然係咁，1月《東網》就專登走上街頭，訪問咗一班後生仔女，仲有年輕股評人、樓市專家等等，一齊對股市樓市「估估吓」，睇睇會唔會真係「青春大晒」先。
睇完佢哋嘅預測後，又會撐邊個？即刻入嚟「東網Money18」fb專頁 http://www.facebook.com/money18 留言表態，順便講埋你點估1月股市樓市走勢啦！
以下是幾位股市樓市專家同一眾後生仔女，對1月港股/樓市嘅預測：
─ ─ ─ ─ ─ ─ ─ ─ ─ ─ ─ ─
●劉小姐：22,000點
劉小姐認為，1月經紀都緊放假，加上市場未有重大消息傳出，故股市上落不大，維持22,000點左右。她個人看好內銀股，並預計2016年整年的恒指波動，整體向下發展。
─ ─ ─ ─ ─ ─ ─ ─ ─ ─ ─ ─
●楊小姐：22,300點
楊小姐認為，1月恒指約升300點左右，因她認為新一年到來，投資氣氛短期內會熾熱，但預計接下來的月份會有所回落，整年的波幅雖大，但預期2016年頭和年尾的恒指變化不大。
─ ─ ─ ─ ─ ─ ─ ─ ─ ─ ─ ─
●羅湋楠：22,500點
君陽證券助理研究經理羅湋楠表示，美國聯儲局已正式進入加息周期，相信部分基金開始部署1月入市策略，由於市況仍未十分明朗，加上人民幣有貶值壓力，估計1月恒指在21,500至22,500之間波動。板塊方面，投資者宜留意國策相關板塊，如汽車、環保及內房股，特別是二三線內房股如富力地產(02777)及遠洋地產(03377)等都有留意價值。
─ ─ ─ ─ ─ ─ ─ ─ ─ ─ ─ ─
●譚朗蔚：22700點
富昌金融研究部總監譚朗蔚認為，全球基金經理於長假期後復市，將有助港股擺脫於過去半個月以來，波幅收窄和成交減少的悶局。除非外圍出現新的利淡因素，或導致恒指回落到21,500點附近，否則1月恒指有望企穩22,000點，最高上望目標22,700點。
─ ─ ─ ─ ─ ─ ─ ─ ─ ─ ─ ─
至於樓市又點呢？似乎一班後生女同專家都好一致咁喎，睇睇佢哋有乜理據...
●Belinda：跌10%
大學一年級嘅Belinda表示，整體樓價在1月會跌10%，特別是新界區樓，因為需求有減弱的趨勢。不過部分市區二手樓或因舊區重建的因素，會逆市有啲啲升幅喎。
─ ─ ─ ─ ─ ─ ─ ─ ─ ─ ─ ─
●Melissa：跌10%
啱啱投身社會嘅Melissa認為，政府打壓樓市決心相當大，應該會不斷有相關政策推出，所以樓價再升的機會不大，1月應該會跌大約1成。
─ ─ ─ ─ ─ ─ ─ ─ ─ ─ ─ ─
●Bowie：跌10%
Bowie指，反競爭法啱啱生效，相信建築原材料價格會因此而有所下調，令未來新樓價格出現調整，二手樓價亦會「跟住跌」，不過相信短期內跌幅唔會太大，預期1月樓價跌幅在1成以內。
─ ─ ─ ─ ─ ─ ─ ─ ─ ─ ─ ─
●王美鳳：1成以內
中原按揭經紀董事總經理王美鳳認為，香港息率主要跟隨美國息率走勢，但調整步伐及幅度不一定完全跟隨美國，基本上要睇番本港的資金充裕程度及港美息差因素等。
估計美國要加息至0.75厘或1厘以上，香港先會跟隨美國加息。呢個環境對樓市唔會構成太大壓力，但短期內相信亦都唔會出現突破性嘅轉向，預計1月樓價仍然係呈下調趨勢。
─ ─ ─ ─ ─ ─ ─ ─ ─ ─ ─ ─
想領悟更多理財智慧，富足一世？即刻click入「致富智庫」