m18講場：聯旺上市 又關翠如BB事？
今日4間公司一齊上市，人頭湧湧嘅情況真係隔離企邊個都唔知，就好似絲絲去到港交所(00388)行入人堆之中，突然發現右面竟然係翠如BB！再望過啲連蕭正楠(Edwin)都喺度，究竟咩風吹佢哋嚟港交所呢？
唔講唔知，原來今日上市嘅工程公司聯旺集團(08217)行政總裁黃永華，就係翠如BB嘅daddy！今日佢哋全家人都嚟咗上市儀式，仲專登著到靚靚嚟撐場。既然一家人撐場都叫埋Edwin，睇嚟佢都被視為黃家嘅一分子，佢同翠如BB應該都好事近囉！恭喜晒！
上市完咗，翠如BB仲即刻將佢細妹幫daddy整理領呔嘅相upload上facebook，加埋啲caption都真係幾感動㗎。不過翠如BB敲完鑼就同Edwin走咗，唔知係咪去開工呢？睇嚟翠如BB真係愛情事業家庭3得意呀！
─ ─ ─ ─ ─ ─ ─ ─ ─ ─ ─ ─
想領悟更多理財智慧，富足一世？即刻click入「致富智庫」
「東網Money18」fb專頁：有討論、有分析，齊來FUN享，贏盡●你Like