Money Honey：銀行落雨收遮 中小企老闆難捱
20160420
東網電視
更多新聞短片
香港經濟寒冬影響各行各業。
香港首季失業率回升0.1個百分點，至3.4%，聽落唔算嚴重惡化，但香港總勞動人口達390萬人，每升0.1個百分點，意味多了近4,000人失業。丟飯碗固然可怕，但打工仔因擔心失去工作，而開始勒緊褲頭，對經濟來說同樣可怕。
從季度數字推算3月份單月失業率或高達3.6%，可見農曆新年後裁員情況嚴峻，打工仔誠惶誠恐，中小企老闆可能更難捱。政府亦證實曾去信銀行，希望佢地體諒中小企經營困難，在審批貸款上鬆手一點。經濟前景惡化，小商戶最易捱唔住，銀行呢個時候「落雨收遮」，你懂的。
早兩年，股、樓做好，市民有錢都會買件名牌獎勵下自己，依家人人擔心被炒魷，會唔會多咗人買平嘢？未必，Honey最近去旺角新之城睇睇，較旺的上層1樓已有4、5間吉舖，銀行會幫助他們渡過難關嗎？你懂的。
Honey老友K是小食店老闆，佢問過起碼3間銀行，睇吓借到幾多錢周轉，結果全部被拒諸門外。首先，非往來銀行免問，平日最好有一定金額進出戶口，還要提供稅單和至少1名擔保人，呢幾個「基本」要求對老闆仔來說絕非易事，其中1間銀行更坦白說，借到錢的機會渺茫，form都唔使入，聽落K仲慘過打工仔。
財經分析員Money Honey
─ ─ ─ ─ ─ ─ ─ ─ ─ ─ ─ ─
「東網Money18」fb專頁：有討論、有分析，齊來FUN享，贏盡●你Like