Money Honey：今個黃金周勢必褪色
20160425
東網電視
更多新聞短片
小黃金周快到，內地訪港旅客數目無大起色。
五一小黃金周未到，香港酒店已劈價救亡，內地訪港旅客數目無大起色，Honey最近跟賓館出牌顧問聊天，佢話旺角的賓館房租減到每晚200蚊，生意都好淡薄，但蝕住都要做，市場上多咗好多賓館放盤，但當然無人問津。
中高檔酒店就算唔減房租，都搞二送一晚或自助餐券，成功吸引一班想住好少少的遊客。低價酒店和賓館就簡直捱打，walk-in房租標到幾高都無用，上格價網便一目了然。以下周一(5月2日)入住一晚雙人房為例，西環某3星酒店收276元，佐敦同級酒店收320元，而且呢個價位嘅選擇唔少。
價錢低處未處低，住宿平台Airbnb顯示，在尖沙咀租個床位只要101元，Hostel內籠睇落幾型又企理，好過住劏房多多聲。以上價錢全部未計手續費，但兩個人200幾蚊搞掂，怪唔知得有人形容本地酒店業慘過沙士。
Honey發現本地大型連鎖旅行社唔止sell酒店，仲有大量本地賓館供選擇，由5星至無星都要撈埋，整個旅遊產業活在寒冬中，今個黃金周勢必退色。
財經分析員Money Honey
─ ─ ─ ─ ─ ─ ─ ─ ─ ─ ─ ─
「東網Money18」fb專頁：有討論、有分析，齊來FUN享，贏盡●你Like