Apptech創辦人:享受建立團隊過程

2016年05月17日 12:05
東網電視
更多新聞短片

「創業要作最壞打算,要諗如果失敗咗,會唔會甘願打工還債?輸晒老婆本又得唔得?」手機程式編寫公司Apptech創辦人兼董事李治緯(Edmund)深明創業艱難,但堅持不靠融資創業,2012年用50萬元本金,結果成功在首半年回本。公司編寫的Camera3D App在google play更有逾300萬下載量,而今年首季的收入是去年第4季的3倍,更準備在月底進駐前海開分公司。有創投入股都唔受,果真是個性IT人!

Edmund選擇不融資:「如果有個好正嘅項目想做,又需要好多錢,咁就需要融資;但我間公司目前想做嘅嘢都自己計得掂數,所以唔想融資完之後,將啲錢擺喺銀行,再諗做咩。而且攞人錢,就要貢獻股份!我呢啲起步無耐嘅公司,當個Project值100蚊,要人借100蚊畀你,佢可能要你好多股份;只有當你個Project值1萬,要人借100,咁付出嘅代價就相對合理啲。」

他眼見不少公司得到融資後,創辦人的股權所剩無幾,「唔係大股東,就無得再話事。而家我想做咩就做咩,而3、5年後,都希望話事權喺自己手。」

他稱,享受建立團隊,以及同事互相合作的過程,而非把創業看成一個投資工具。

不靠融資,Edmund望Apptech能終有一天晉身《財富500》的願望會否幻滅?那又未必!他公司一直有跟企業開設合資公司,而公司的業務亦有多方面。他坦言,替企業例如世紀21及花旗銀行等編寫Apps,自主性較低,一般只按照它們的要求做。

Edmund在銀行界打滾超過10年,曾在IT、銷售及營業等部門工作,故對產品管理、財務及人力資源預算等非常熟悉。他分享管理分行時的工作,「我要計晒各分行嚟緊5年嘅收支預算,上至分行經理,下至出納員(teller),都要清楚列明每人嘅人工同需要跑嘅數。」有此經驗,Edmund坦言對管理Apptech帳目非常有幫助。

但其後他發現創業比打工更具挑戰性,單單找合作夥伴及聘請員工已是一大學問。他曾有不愉快的經歷,「呢盤生意,一開始係同2個舊同學一齊夾份搞。但原來,大家無相處十幾年,做嘢嘅方式同工作態度都有好大差別。」所以,最後他買回2位同學的股份,自己另找拍檔。

他決定聘外人,但篩選人才也是一大挑戰,「以前有人事部幫你篩選,而家要自己學識觀察應徵者嘅內在質素,乖唔乖,有無責任心。」他續指,請錯人,後果可以很嚴重。「交畀個客嘅貨交唔到;炒佢又要搞好多手續,又嘥錢,而佢少不免會影響其他員工嘅工作,同公司文化。」

在眾多Apptech編寫的Apps當中,擁有最高下載量的是Camera3D,但Edmund表示,此App所帶來的廣告收益,並非公司的主要收入來源,「呢個App影嘅相有好多唔同嘅效果,如果影個人就咁行前一步然後跳起,出嚟嘅效果就好似個人飛起咁!好好玩,可惜唔賺錢。」儘管此App其後更加插類似Facebook及Instagram等社交功能,但因有資金上的限制,且未能追上對手的研發速度,故已停止改良此App,只保留一般的功能。

「要創業,就要唔怕輸!」他指出,創業前必須思考很多假設性的問題,假若生意失敗,把老婆本花光;假若需要打工還債等,能否承受種種壓力?他亦發現,現今創業者的思維模式跟以往有很大差別,「以前嘅人搞生意,係為咗維生;而家嘅創業家,好多為咗興趣。」但他叮矚,要滿足現實生活需要,才能尋求更高層次的滿足。

Edmund喜歡跟商界合作編寫應用程式(Apps),因為業界人士最熟悉他們所屬的行業之生態鏈,最能就現有服務的不足,提出利用科技改善服務的方法。

前年,他就夥拍著名婚禮攝影師Siu Ming,寫了一個婚禮相簿App。Siu Ming稱,「多數喺婚禮現場,賓客都坐喺度無嘢做,宜家可以用個App睇晒新人當日同之前影嘅相,個Impact好大!多賓客之後搵番我!」

Edmund亦指,「個App唔單指畀賓客見到對新人嘅相同照片,攝影師之前嘅作品亦可一覽無遺,加深賓客對攝影師嘅認識;再者,賓客好大機會同新人同屬一個顧客群,咁樣有針對性咁搵客源,應該會為攝影師帶來唔少生意。」

Edmund所編寫的婚禮Apps已做到三贏的效果,包括他公司、婚禮上的賓客及攝影師,但Edmund未感滿足,他特意邀請幾位IVE學生替該App做改良版,因為他知道學生們思維創新且緊貼新科技,同時亦想給予學生實習機會。

從這婚禮App改良版,足以看出同學們的創意無限,IVE學生介紹其中一個功能,「有啲賓客唔想裝App或者用QR Code,所以我哋加插藍牙讀取此App。」Siu Ming也稱讚學生思考周詳。

─ ─ ─ ─ ─ ─ ─ ─ ─ ─ ─ ─
其他精彩新聞:索羅斯基金減持美股37% 押注金礦股
http://bit.ly/1WC3AiI

「東網Money18」fb專頁:有討論、有分析,齊來FUN享,贏盡●你Like
http://www.facebook.com/money18

更多資訊:上市公司派息備忘