樓市勁哥金榜：逆市反價傻的嗎？
20160617
東網電視
更多新聞短片
樓市跌緊，但業主仲「夠薑」反價，咬買家一啖，咁都仲有人肯買......唉......睇嚟喺呢個「A貨質素好過真嘢」嘅時代，唔make sense先係王道......今個星期樓市勁哥金榜：逆市反價傻的嗎！？
-----------------------
第3位 嘉湖低位反彈兩成半
呢邊元朗PARK YOHO 1B期先要出動到120%樓按吸引買家，但另一邊，同區嘉湖山莊景湖居一個實用面積446方呎的單位，就以350萬元售出，比起低位高咗大約兩成半！貴咗咁多都照樣有人買，典解人類總係重複犯錯！？就好似繼以前有人喺facebook開分身扮拍拖之後，近排李梓敬議員個fb page又自己讚自己，真係無眼睇喇！
-----------------------
第2位 好運中心反價7萬
話說沙田好運中心一個仲有租客住緊嘅高層單位，一放售就引嚟幾個買家你爭我搶，喺價高者得底下，業主反價7萬，去到407萬先至賣出！買家仲要連樓都唔使睇就扑鎚！有咁好眼光嘅話，係咪對住個口細到唔make sense嘅「廢屑箱」，no look拋垃圾都中先！？
-----------------------
第1位 湖景花園搶高30萬
講到賣樓嘅「偽術」，計我話可以開價嗰時開平啲，引一堆人入局鬥搶，咁個價就可以升得快過火箭啦~~大圍湖景花園一個實呎1017嘅中層單位，放盤5日，個價就搶高咗成30萬！最後連車位賣680萬。貴咗都照買，人係咪好唔理智！？唔怪得連巴基斯坦都入到摩(MSCI指數)，我哋「偉大」嘅A股都入唔到啦可！？
─ ─ ─ ─ ─ ─ ─ ─ ─ ─ ─ ─
「致富智庫」領悟理財/職場智慧，一Click改變一世
「東網Money18」fb專頁：有討論、有分析，齊來FUN享，贏盡●你Like