全球億萬富豪最鍾意搞乜？

東網電視

億萬富豪最熱愛嗜好竟然係...... (Getty Images圖片)

雖然舊年全球經濟同金融市場風高浪急，依然係富者愈富，全球億萬富豪(雖則叫億萬富豪，但實質講緊身家達10億美元嗰啲，下同)人數創新高。嗱，咪仇富，睇埋落去，包你有嘢落袋。邊行出最多億萬富豪？佢哋嘅資產配置係點？仲有，佢哋普遍最熱愛嗜好係乜，包你估唔到。

顧問機構Wealth-X調查顯示，舊年全球億萬富豪人數增加6.4%至2,473個創新高，總身家亦升5.4%至7.7萬億美元嘅紀錄新高，仲多過法國、英國、德國或日本嘅國內生產總值(GDP)。

以人數計，最多億萬富豪係歐洲(806個)、北美(628個)、亞洲(645個)；但若以總財富計，就北美稱霸，富豪總身家2.56萬億美元。亞洲就係增長最快地區，人數勁增15.2%，總身家飆19.6%。

想變億萬富豪？都係嗰句，入金融業啦，呢行繼續係最盛產富豪嘅行業。另一要訣就係條「命」生得好，事關舊年繼承財產致富嘅億萬富二、三、四......代，人數增長最急，多咗29.9%，反映嬰兒潮富爸富媽退下火線，將財產轉交下一代。

想學億萬富豪？咁就要揸Cash，事關佢哋視「現金為王」，資產中有22%係Cash！

啲超級富豪最鍾意搞乜？嗱嗱嗱，唔係你諗嗰樣，而竟然係慈善事業，超過56%已經做緊或打算咁做，之後先係旅遊、藝術、政治同遊艇出海咁。話咗你估唔到啦！

－－－－－－

「東網Money18」全新功能「板塊追蹤」，助你分析抓緊投資先機

「致富智庫」領悟理財/職場智慧，一Click改變一世

on.cc東網