致富智庫：洪荒女神示範人生贏家11本色
20160816
東網電視
更多新聞短片
今屆奧運，中國泳手傅園慧一句「洪荒之力」、搞笑趣怪表情、直率嘅性格，贏盡大眾嘅心，成為「女神」。呢位「洪荒少女」有晒以下11本色，學足晒嘅話，你未必做到泳手，但包你做到人生贏家，喺職場同投資上都有好成績。
===========
1、【多感激，少自怨】
失敗，有邊個冇試過？傅園慧先喺年頭腰部受傷，主教練徐國義因病住院，自己更加頻頻生病。但「洪荒少女」冇花太多時間自怨自艾，仲努力適應新教練嘅訓練模式。
去到巴西奧運，佢一開始以為自己拎「啃頸四」，冇埋怨不特止，仲話「但看今天比賽，我就心滿意足了。」呢樣真係要學。
-----------
2、【不妒忌他人成功】
經歷咗「魔鬼式」訓練嘅傅園慧，但結果仍同金、銀牌都無緣。當記者話佢知：「你和第2名只差0.01秒。」「洪荒少女」仲笑住話自己可能「手太短」喎！
當你睇見人家贏自己輸時，不妨用番傅園慧招牌嘅「洪荒表情」，同自己講聲加油！
---------
3、【握緊自己的決定】
即使係出名「貼地」嘅傅園慧，亦會適當嘅時候Say No。畀人感覺係「傻大姐」嘅佢原來係個醫科生，正修讀天津醫科大學康復與運動醫學系，好有「錢」途，但佢毅然向游泳方面發展。
要成功，必先肯定自己嘅能力同目標，唔好輕易被人左右。投資都一樣，買股票都要睇自己能力，唔好人人話買，你就樁個頭埋去。
-----------
4、【不盲目取悅別人】
一般國家隊嘅成員都好嚴肅，但傅園慧就做自己。件泳衣好緊，就彈吓佢！心情靚爆，笑到面形扭曲又得。唔怪得佢話：「我以為一般人都不會喜歡我這種類型的，會不會太重口味了一點。」冇錯，就係鍾意你夠真。
喺職場都一樣，有人鍾意自己，亦會有人唔鍾意自己，只要做好自己本份，毋須取悅他人！
---------
5、【不怕冒險】
風險呢家嘢，係人都避忌。但學識面對風險，會令你成功。有傅園慧嘅粉絲喺微博講過，佢「體質並不好，連續訓練、作戰對她的體力透支程度非常大，有的比賽都是她咬著牙挺下來的。」由肩膊到腳趾，都有傷過嘅地方，還記得她比賽後受訪，對着鏡腿抽筋那一幕嗎？我們這位「洪荒少女」都不畏冒險，為比賽做好準備。
所以，機會係留畀不怕冒險嘅人。
---------
6、【不怕改變】
改變，有時都係痛苦嘅。傅園慧唔止言行夠大膽，作出改變都好大膽！自原本嘅教練入咗院，佢就跟咗個澳洲嘅「魔鬼教練」，日操夜操，操到腰間盤突出。佢知道，要向前行，呢個改變係一定要作出嘅。
唔想永遠原地踏步，就要改變！依家就勇敢走出Comfort Zone！
-----------
7、【着眼自己可以做的事】
人生贏家唔會掛住諗啲控制唔到嘅事。「洪荒少女」傅園慧喺比賽前一日同爸爸傾電話，內容唔係比賽，而係講有咩美食。佢都話：「老想着比賽，整個人會瘋掉的啊。」傅園慧着眼一啲可以做嘅嘢—保持輕鬆心態。
既然都唔知未來點，不如做多啲功夫，準備好自己。
----------
8、【不回想過往 着眼現在】
傅園慧5歲學游泳，10歲獲得省運會冠軍，11歲進省游泳隊......傅園慧冇一味諗住之前有幾叻，反而專注每次盡「洪荒之力」去比賽，點解？着眼現在。
過去就算「受過傷」，就算曾經幾巴閉，但過咗去就過咗去，唔好再諗之前點點點喇，抓住現在吧。
---------
9、【不怕獨處】
「表情王」傅園慧成日都笑，你就以為佢唔寂寞？其實游泳係一件好寂寞嘅運動，即使有隊友，亦只有自己一個人線內游，水裏只聽到自己嘅換氣嘅聲音，只睇住自己嘅終點游過去，呢啲無數嘅獨處時刻，「洪荒少女」冇驚過。
獨處，係個畀時間自己思考吓嘅好機會。
---------
10、【從不認為世界虧欠他們】
快啲戒咗「咁公平咩」呢句。早排傅園慧同大家玩網上直播，好多人喺頁面送咗「禮物」畀佢，但傅園慧叫大家將錢送畀有需要嘅人，因為做好自己，本來就係運動員嘅本份。
See！人生贏家係唔會覺得世界欠咗佢嘅，更加唔會奉旨。
---------
11、【失敗過後 絕不放棄】
雖然傅園慧由細到大都係游泳健將，2011年後佢獲得世界青年游泳錦標賽100米仰泳亞軍，但2014年佢就因為身體狀況欠佳而走入低谷。「洪荒少女」當然冇逃避，佢努力操番Fit自己，結果大家有目共睹啦！
所以，失敗乃成功之母，係真架，但先決條件係你唔好放棄。
─ ─ ─ ─ ─ ─ ─
「致富智庫」領悟理財/職場智慧，一Click改變一世
「東網Money18」fb專頁：有討論、有分析，齊來FUN享，贏盡●你Like