搶到乾！西九「四小龍」8千戶只剩1個鎖匙盤

差估署數字顯示九龍區中小型單位樓價，較3月低位勁彈15%；而事實上，在近月買家蜂擁追貨下，九龍區多個指標屋苑「鬧盤荒」。綜合代理數據，現時九龍主要大型屋苑的兩房或以下放盤量，較3月時暴跌約5成，其中大角咀港灣豪庭更銳減7成；而有八千多個單位的長沙灣「四小龍」(即泓景臺、昇悅居、宇晴軒及碧海藍天)，竟然合共只剩1個「鎖匙盤」，為近5年最少。

美聯梁德權指，大角咀港灣豪庭細單位放盤量短缺，較年初淡市時勁跌約7成，現時盤源僅餘10個，創今年新低，當中「鎖匙盤」絕迹。他續說，現時「有客無盤」情況愈來愈嚴重，令不少有心入市的買家大呻「無癮」。

美聯鄧偉傑表示，長沙灣「四小龍」屋苑提供多逾八千個單位，主攻兩房戶，放盤向來充裕，但隨着近月市況升溫，買家加速入市，現時盤源已較年初時銳減一半，4個屋苑的細單位放盤合共只有約60個，而除了貼價盤買少見少外，可即時睇樓的「鎖匙盤」更快「乾塘」，現只餘泓景臺有一個盤可睇，為近5年最少。

美聯黃遠基稱，上車盤集中地的九龍灣「三寶」屋苑：德福花園、淘大花園及得寶花園，細單位放盤量跌至近年新低，其中德福花園跌得最厲害，現時約有20個買賣放盤，較3月低位時急跌67%，當中交吉盤更只餘3個。他明言，不少業主心雄近乎「零議價」，不封盤及反價已「偷笑」。

中原柯勇表示，近月將軍澳新都城細單位放盤量銳減，現時僅得60個，較年初勁跌近6成，創今年新低，鎖匙盤亦減至3個。美聯黃富國表示，將軍澳中心由年初的120個放盤量，暴跌至50個，跌幅高近6成，「鎖匙盤」亦只餘1個。

中原黎浩棠表示，受惠港鐵觀塘線延線效應，近月紅磡一帶屋苑交投轉旺，令細價放盤不斷減少，以區內上車入門屋苑黃埔新邨為例，現時兩房放盤僅得3個，較年初少近七成，「鎖匙盤」已缺盤。至於毗鄰的黃埔花園，同類放盤亦由年初的近50個減至現時30個。

─ ─ ─ ─ ─ ─ ─ ─

香港樓市日日新鮮，話題多多，想睇晒最update樓市新聞短片，即刻click入 http://bit.ly/1M2kP95

樓市乍熱，想睇更多一、二手樓精彩故事，即click以下連結：

新盤置啱睇

http://money18.on.cc/newflat/

二手置啱Feel