儲錢為乜：後生仔旅行大過天　買樓變次選

東網電視

香港樓奴多，唔少成功人士都叫年輕人平時節省開支，少啲去旅行，早日上車。大新銀行(02356)最新調查就發現，香港年輕人並唔係「月光族」，有60%的受訪者有儲蓄習慣，但年輕人儲錢最大目標就係去旅行或者工作假期；儲錢畀首期買樓只係排第3位。

究竟年輕人儲錢的目標係乜？調查發現，53%人儲錢為咗旅遊或工作假期，32%為了買心頭好（即手機、手袋及相機等），而目標儲錢預備首期上車的年輕人有31%。

依數據看，去旅行或者工作假期，大比數拋離其他儲蓄目標，似乎對年輕人嚟講，享受人生比做業主更加有吸引力。

值得留意的是，調查發現有62%受訪者，對達成儲蓄目標的信心偏低。事實上，要儲錢去旅行或者買心頭好都唔係難事，相信令年輕人信心偏低的主因都係買樓啦。

是次調查對象為400名22至39歲在職人士，扣除住屋、其他日常開支及個人消費，受訪者平均只剩收入的22%。

─ ─ ─ ─ ─ ─ ─

「東網Money18」全新功能「板塊追蹤」，助你分析抓緊投資先機

「致富智庫」領悟理財/職場智慧，一Click改變一世

on.cc東網