贏在買樓前：蕪湖居400萬入到場

市場預期新辣招下，不少人會轉買為租，租盤勢愈來愈少，將帶動租金向上，或成買家投資新機遇；其中「食住」觀塘線延線黃埔站通車的紅磡單幢盤蕪湖居，業主並未受辣招影響，開放式單位入場費仍維持400萬港元，租金回報逾3厘，反映通車效應大於新辣招的影響，加上可見將來租盤短缺，市場料該盤開放式單位租金至年底睇升5%，回報率比銀行存款利息「雞碎咁多」好得多。

坐落紅磡鬧市的單幢樓蕪湖居，樓齡僅5年，9成單位採開放式間隔，實用面積由224至245方呎，內籠四正，可即時租出，毋須作大裝修，而且項目鄰近大學，故成為投資收租的熱門之選。

中原袁顯岸表示，受觀塘線延線黃埔站通車刺激，帶動區內整體屋苑開放式單位租金向上，今年至今已升3%，他預期，至年底可望再升7%，料可刺激蕪湖居租金上漲。事實上，自上月底黃埔站通車後，蕪湖居個別業主已反價3%至5%，成交價不時升穿4球。現時最平放盤叫價400萬元，低層A室開放式戶，實用面積245方呎，現時以1.25萬元租出，租約期至明年8月，租金回報率約3.75厘。

他稱，蕪湖居業主以收租為主，買賣盤源不多，現時開放式僅有約3個放盤，全部連租約出售，無樓睇，並預期新辣招令租盤盤源愈來愈少，供不應求下，不愁無人租，租金自然有升無跌。

以上述放盤計，如承造最多5成樓按，首期約200萬元，以現時普遍供樓息率2.15厘、還款期約25年計，每月供款約8,600元。他又說，開放式戶租金一般由1萬至1.3萬元，租金回報率逾3厘，屬理想水平，加上黃埔站通車進一步帶旺該區，預期該類單位租金至年底睇升5%。

如果新手想買樓收租，要考慮地點及周邊配套，太偏僻自然「趕客」，最好揀選交通方便的地區，方便租客。投資者當然想有「本少利大」，不過，如果貪平而買入舊樓甚至凶宅，租金反而難有高回報。

─ ─ ─ ─ ─ ─ ─

狂人入主白宮 睇通全球政經變化 即上「美國大選」專頁：http://on.cc/uselection2016

香港樓市日日新鮮，話題多多，想睇晒最update樓市新聞短片，即刻click入 http://bit.ly/1M2kP95

樓市乍熱，想睇更多一、二手樓精彩故事，即click以下連結：

新盤置啱睇

http://money18.on.cc/newflat/

二手置啱Feel