真的上車了：金融才俊激慳10年圓置業夢
20161220
東網電視
更多新聞短片
80後慳家男Andy。
「我知道為咗自己嘅上車夢，我唔可以太大洗。」80後慳家男Andy用激平電話、與女友兩人食一個飯兼絕少旅行，由加拿大開始儲錢儲到香港，儲足10年，終於一圓上車夢，今年在將軍澳藍塘傲買入一個單位，總值逾500萬港元。有理財顧問分析，Andy目標明確，懂得平衡支出收入，方一舉成功，又勸喻時下年輕人，只要有目標有方向，一樣上車有望。
Andy自小移民加拿大，在當地讀書生活，畢業後「百足咁多爪」，曾任補習老師、連鎖廚具店銷售員、格仔舖老闆及夜市檔主，為求搲銀博到盡。辛苦工作多年，戶口終有6位數積蓄。他亦坦言，「要儲錢，一係諗多啲方法賺錢，一係就慳錢。」
為求人生突破，Andy在3年前回流香港。他形容，比起加拿大，在香港更易賺得人生第一桶金。不過，讀書時修讀的是心理學，對工作幫助不大，於是他毅然投身金融業，於一所證券行從事財富管理，協助客人買賣債券，幸求學時期曾修讀經濟，所以買賣股票、債券均逐漸得心應手。不過，香港工作忙碌，工時動輒以10小時起，Andy無暇再經營副業，為了上車，唯一手段便是慳錢。
Andy現時1個月更可儲6成糧，他亦坦承，成功上車全憑夠慳。說罷，他展示了手中電話，說「我用嘅只係平平無奇嘅小米電話，都係1,000蚊多少少。」他解釋，以前曾賣二手電話，經驗告訴他科技不斷推陳出新，永遠難追上潮流。
因為在中環工作，食飯交通均所費不菲，所以Andy午餐時大都光顧連鎖快餐店，一餐僅40元，可謂「慳得就慳」。此外，Andy近3年以來甚少旅行，大部分東南亞國家未曾到過，僅曾飛上海及日本，更指「我係平價機票先捨得去」。
慳家男Andy使費「諗過度過」，無獨有偶，他遇着同樣慳家的女友。他表示，兩人外出吃飯時，若肚子不是太餓，會單嗌一個飯「加底」共享；而且兩口子甚少到戲院，寧可買碟回家欣賞，務求將洗費壓至最低，兩人更到銀行開聯名戶口齊齊儲錢。
奇招盡出兼儲足10年，加上家人幫助，Andy今年10月終達成夢想，在將軍澳藍塘傲購入1個400多呎單位，總值逾500萬元，敍造5成按揭，供款年期30年，與女友兩人每月合供1.2萬元。他表示，自小受雙親影響，認為買樓保值兼抗通脹，而與女友合供1.2萬元未算吃力。
最後，他寄語年輕人，應慳得就慳，不要做月光族，平日須抵受物質誘惑，勿追求新鮮及潮流，而最重要的是對自己守承諾，說儲多少便儲多少，更以自己在加拿大的經歷為例，用不同渠道掘金。「我知道搵得一萬幾千，儲錢會辛苦，我都經歷過，但你要行出第一步，唔好驚失敗！」
─ ─ ─ ─ ─ ─ ─ ─ ─ ─ ─ ─
●專家：置業要仔細計劃
「好多時年輕人冇方向，就會覺得反正我買唔到樓，就唔去計劃。」美國萬利理財亞太區總裁張佩儀表示，無論甚麼年紀，都要有清晰的目標，以Andy為例，清楚知道置業是起步，於是便找一份穩定的工作，並就收入及支出作好預算，而且又懂得投資，最終成功上車。
她續指，有了目標之後，便要想想如何實行，尤其是第一桶金，到底要靠自己賺，還是向家人先借後還，而買樓之後，到底是放租，抑或自用，這些都要仔細計劃，若是自用，更要想自己能否供得起。
聯儲局一如預期加息0.25厘，香港甚或即將踏入加息周期，置業人士的供樓成本勢上升。張佩儀表示，加息短期內會為樓市降溫，或是入市良機，現階段買樓自住的話，即使摸頂亦毋須懼怕，只要供得起便可，因為買樓始終是長遠的事。
她又提醒年輕人，現階段應多看書多讀新聞時事，了解經濟周期及利率走勢，如想置業，便要去多睇樓累積實戰經驗，最重要是量力而為，勿好高騖遠、花光所有錢，建議起初可將三分一薪水儲起，「一出糧當自己賺少啲」，長遠必可積少成多，為未來的理財目標做好準備。
─ ─ ─ ─ ─ ─ ─ ─ ─ ─ ─ ─
「東網Money18」全新功能「板塊追蹤」，助你分析抓緊投資先機
「致富智庫」領悟理財/職場智慧，一Click改變一世