今年以來供樓愈來愈平 仲有無得減？
20170207
東網電視
更多新聞短片
因為按揭利率不斷跌，今年以來供樓愈來愈平，市傳3大發鈔行滙豐銀行、渣打銀行(香港)、中銀香港按息已經減到1個月拆息(H)加1.3厘，不過最少要借夠800萬元，即係買最低要買1,600萬元物業；至於800萬元以下貸款額，H加1.31至1.33厘不等，《東網》同你拆解今年供樓愈供愈平之謎！
【近期新做按揭供樓更輕鬆之謎】
按揭利率分兩部分，以H加1.3厘為例，第一部分就係用1個月拆息(H)做基準，第二部分就係獲批按揭時銀行提供固定利率部分，即1.3厘，呢部分在提取按揭之後就要轉按或者交手續費先可以改。
今年以來1個月拆息(H)已經由高位，0.75464厘，跌到落最新0.57036厘。
銀行新一年為跑數，亦陰啲陰啲減按息，由2016年底H加1.35厘，減至現時最低H加1.3厘。
【按息累跌幅度接近美國減一次息】
拆息跌只影響正供款業主，如果未獲批按揭，恭喜閣下屬於新做按揭客，可以享受拆息同銀行減按息效果，以拆息累跌幅度同銀行減0.05厘計，閣下比去年底個實際按息，已經平咗0.22厘，接近美國減一次息0.25厘！
【每月供款慳幾多】
以30年按揭期計，2016年底H加1.35厘新做按揭，每100萬元貸款額月供3,741元，比較現時H加1.3厘，每個月供款會減少161元；少數怕長計，尤其不能睇小複息威力，因為全期利息減少3.95萬元！
如果用最低按息800萬元門檻計，月供就更加由29,931元，減到29,052元，全期利息慳31.63萬元！
【未來仲有無得減】
經絡按揭轉介市場總監劉圓圓預計，新春後陸續有多個新盤推出市場，不排除H按息率有下調空間，預料按揭市場競爭激烈，買家因而受惠，尤其是財務狀況穩健的客戶。
【已經供緊樓點算】
如果閣下已經供緊樓，記得睇睇過咗罰息期未，如果過咗就記得計一計數，準備轉按啦，可以賺埋至少1%現金回贈添，以借800萬元為例，轉一轉按扣返律師費同手續費，唔止慳到息，仲至少袋返6至7萬元現金！
─ ─ ─ ─ ─ ─ ─
「致富智庫」領悟理財/職場智慧，一Click改變一世
東網已全面支援360影片及相片，讓你全方位睇盡新聞大事，恍如置身現場，立即登入東網360專頁：
「東網Money18」全新功能「板塊追蹤」，助你分析投資先機
新股上市消息資訊，不停為你update，即刻click入