高盛一個程式員頂得上4個交易員?

20170216
東網電視
更多新聞短片
全球最大投資銀行之一高盛話,一個電腦程式員能頂4個交易員!
話說2000年時,高盛紐約總部嘅美股交易台有600個交易員,今時今日就只剩番2個!啲工作由200個電腦工程師(直接啲講,就係程式員)用自動化程式搞掂。呢啲都係高盛位代理首席財務官Martin Chavez上個月喺哈佛大學一個研討會度講嘅,佢話高盛目前有大概9,000個電腦工程師,佔總員工三分之一!
唔止股票,連外匯與期貨,佢哋一樣搞緊自動化交易。唔係交易員就唔使驚?未必,事關啲電腦工程師開始踩埋過M&A(併購)嗰瓣,高盛最近搞咗個內部App(程式),話「幫啲」Junior啲嘅Banker處理搞Deal資料,仲可以等啲Senior嘅Banker遙距Check住單Deal,連問分析員都慳番喎。
連高盛行政總裁布蘭克費恩都講過話,佢哋今時今日係間科技公司,多過係間金融公司喎。近排傳有份爭接布蘭克費恩個位嘅Chavez,本身就係電腦科技出身!睇嚟,揸住電腦工程PhD吃香過MBA!
─ ─ ─ ─ ─ ─ ─
「致富智庫」領悟理財/職場智慧,一Click改變一世
東網已全面支援360影片及相片,讓你全方位睇盡新聞大事,恍如置身現場,立即登入東網360專頁:
「東網Money18」全新功能「板塊追蹤」,助你分析投資先機
新股上市消息資訊,不停為你update,即刻click入