地產Smart Lady：阿Pan為上車誓不碌卡！
20170330
東網電視
更多新聞短片
香港地置業難，有港女講明要有層2,000呎樓的男人才會考慮。不過今期「地產Smart Lady」主角、90後的Pan雖然是「Sell樓為業」，但卻不認同這種價值觀，直指「擇偶」並非「擇樓」；不介意與未來另一半一起努力賺錢組織家庭。她的「貼地」目標，是4年後買個逾500萬港元的元朗舊樓2房單位；「秘密武器」是「一張卡都冇」。
Pan長相甜美，氣質有點像韓星允兒，現職美聯元朗大馬路分行高級物業顧問。原來半年前Pan才由Part-time轉做Full-time入行，「自己性格好動，鍾意四圍走，呢行可以接觸到人，睇樓亦冇咁悶，朋友介紹下先做Part-time，睇吓自己適唔適合呢行」。
Pan直言做地產代理非想像中容易，「開頭真係一張白紙，主要周六、日喺新盤撈客，時間長企得耐，夏天30幾度最難捱，仲要不時畀人不禮貌對待，唔係咁好受。」幸好Pan有好上司及同事無私教導，「有次新盤撈客做到好夜，仲要返分行收舖，真係好攰好想放棄，上司見到就同我傾，畀我睇佢記錄咗佢入行20幾年來工作安排嘅厚厚記事簿，發覺原來成功唔係僥倖，時刻喺度做準備，所以更加堅定自己繼續努力工作。」
Pan的辛勤及堅持終有回報，「有次心態夠強，跟同事在新盤現樓企足13個鐘到凌晨2點，真係撞到有客人揸車來睇環境，最終成功協助佢買樓。」促成買賣加上客戶變成朋友帶來的滿足感，增加Pan入行的決心。
她坦言，做地產代理多勞多得，辛苦賺取收入是想提升生活質素。未置業的她不介意與男友夾份儲首期，Dream Home係180度海景大單位。她深明置業難，不能一步登天，首個目標是4年後可在元朗買個逾500萬元的舊樓2房單位，首期逾100萬元，先放租幾年補貼供樓支出才自住。
「唔係話住1房單位屈就，始終組織家庭2間房好啲，希望盡自己最大努力達成目標，即使住舊樓都唔緊要。」
對於有港女揀男友條件是至少有層2,000呎樓，Pan並不認同，「鍾意一個人唔會用層樓來作為考慮條件，覺得有啲荒謬。」她不介意與男友一起努力賺錢置業，「今時今日儲首期難，如果有『父幹』、『慈母』當然係開心事，但大前題係先靠自己，唔夠先搵家人協助比較好。」
問到如何儲首期，Pan強調自己都係一般年輕人，不會不享樂，惟她會努力賺錢，將收入一半儲起，而且應使則使。為儲首期早日達成夢想，Pan「鐵定」不使未來錢，「從小屋企養成唔使未來錢嘅習慣，自己從來冇申請過一張信用卡，冇卡用咪唔會唔覺意使大咗」。
一張信用卡都冇；相比時下愛碌卡消費的年輕人，絕對是稀有品種。Pan為置業可以去到咁盡，時下愛碌卡消費的年輕人，做得到嗎？
─ ─ ─ ─ ─ ─ ─ ─
香港樓市日日新鮮，話題多多，想睇晒最update樓市新聞短片，即刻click入 http://bit.ly/1M2kP95
樓市乍熱，想睇更多一、二手樓精彩故事，即click以下連結：
新盤置啱睇
二手置啱Feel