m18講場：報考CFA注意！2019年加AI新考題

東網電視

報考CFA(特許財務分析師)要注意！特許財務分析師協會計劃2019年考試加入有關人工智能(AI)、機械人財務顧問及分析大數據等考題。

協會負責資格認證嘅董事總經理Steve Horan預料，加入新考題後將會吸引更廣泛嘅應考生，特別係金融科技從業員。

CFA嘅三級考試範圍係一般有4年工作經驗嘅投資經理所需掌握知識，至於加入新題目主要因為協會課程顧問本周開會後，考慮到現時嘅行業轉變。

事實上，機械人財顧業務主要係為散戶透過演算法，喺好少真人互動下建立同管理投資組合，呢項業務自2012年以來增長爆升。

不過現時佢哋無話要考埋寫電腦程式，所以大家唔使擔心無科技專業背景較蝕底。

Horan又話，仲係好難區分將來邊啲科技術經得起時間考驗，所以協會關注點，都係喺番金融業目前用緊嘅工具與使用方法。

─ ─ ─ ─ ─ ─

「東網Money18」fb專頁：有討論、有分析，齊來FUN享，贏盡●你Like

「致富智庫」領悟理財/職場智慧，一Click改變一世

on.cc東網