家下買樓=賭徒?湯文亮咁解釋.....

20170527
東網電視
更多新聞短片
代理樓價指數連續14周創新高,荃灣有新盤開賣又萬人空巷,紀惠集團行政總裁湯文亮指「唔敢接電話」,因為唔知用乜理由去解釋,並於今日在網上發文指,「現在買樓的都是賭徒」。
湯文亮在文中指,父母將物業加按給子女買樓已經成新常態,買樓後,今年的父親節就非常溫馨,明年就難講,母親節分分鐘會變成冇親節。
他認為,現在買樓都是賭徒,首先同地產商賭,3年後的樓價若高過現在,就可將住宅單位從地產商的高成數按揭轉去銀行。如果樓價唔升,為子女將物業加按的父母,亦須為新買的單位作私人擔保,否則新買的單位恐要賣走。樓價若下跌就大件事,因父母已將住宅單位加按,如果按得太盡,銀行有權追收差額。
同時仲同美國聯儲局主席耶倫賭,湯文亮指,認為耶倫只會在今明2年加息,2019年就唔敢加,這種想法的確大膽,講到加息,耶倫都唔敢同自己賭。
湯稱,買家亦是同他們的老闆,賭3年之後不但不會被炒,而且仲升職加薪。其實,做老闆是有苦自己知,不少老闆因銀行要求,買下金額龐大的累積期權合約,已輸到暈,如國泰大裁員600人。不過,賭仔性格,千祈唔好勸他們,否則打架都會。
─ ─ ─ ─ ─ ─
香港樓市日日新鮮,話題多多,想睇晒最update樓市新聞短片,即刻click入http://bit.ly/1M2kP95
樓市乍熱,想睇更多一、二手樓精彩故事,即click以下連結:
新盤置啱睇
二手置啱Feel