NET在理財：買樓收租按揭攻略
20170619
東網電視
更多新聞短片
香港低息環境持續，所以樓市幾癲都好，買磚頭收租仍然是不少投資者的心水選擇。雖然近年金融管理局多次收緊按揭，但只要符合要求，借番5成買樓收租仍然有得諗，而且只要識計數，租唔出都唔使驚過唔到壓力測試！《東網》今次為大家拆解買樓收租攻略！
●要降按揭成數
買樓收租即係非自用住宅物業，同自住好唔同，就係無論樓價係幾高幾低，只要係第一項按揭，一律可以借5成。然而，投資者往往有其他按揭未供完，或者有擔保其他按揭物業，咁就要將按揭成數下調到4成，而且同樣係不受樓價影響按揭成數。
請緊記呢個計法只係計「未償還按揭」，即係就算投資者手持好多物業，只要全部供完，收租物業新申請按揭，一樣可以借5成。
●供款與入息比率劃一係4成
投資者買收租物業申請按揭，供款與入息比率都會嚴格過用家，即係供款佔收入唔可以多過40%，用最優惠利率(P)按揭息計，假設利率上升3厘壓力測試下，供款佔收入比率就唔可以過50%。
值得留意係，就算有其他按揭未供完，或者有擔保其他按揭，並不會影響供款與入息比率要求！
●租唔出都可以計假設收入
如果退休人士或專業投資者要買多幾項物業，做按揭時除了要夠首期，最重要當然是供款與入息比率，事實上，租金都可以計收入，唔一定只可以計人工，不過記得留意銀行會將租金打折扣，只要投資者提供租金收入證明，就可以將租金打個7折，計入收入部分，例如每月租金10萬港元，就會計7萬元係按揭客收入。
如果剛剛買入交吉物業，未有租客咁點算？唔使驚，有部分銀行會用「假設租金」去計算客戶收入，不過就要打6折，即係估算每月租金10萬元，以「無租金證明」類別，將6萬元計入按揭客收入。
●收租物業唔可以做按保
高成數按揭保險只提供予自住物業業主。
都市傳說話：兩成首期可以上車先，做按保借足8成，等租客幫自己供樓。緊記﹗這是錯誤的訊息﹗
記得千萬不能以身試法，因為自住物業才可以申請按保，按揭客申請時，以及其後亦要定期作出聲明，一旦被發現違反聲明，銀行可以加息甚至要求提早償還部分按揭金額。
－－－－－－
東網已全面支援360影片及相片，讓你全方位睇盡新聞大事，恍如置身現場，立即登入東網360專頁：http://on.cc/360vr/
「致富智庫」領悟理財/職場智慧，一Click改變一世