防中化妝樓陷阱 買舊樓前宜搵專家檢查
20170721
東網電視
更多新聞短片
買舊樓宜先搵專家檢查。
置業是人生大事，打工仔窮一生積蓄上車，自然想有個舒適安樂窩。特別是購買高齡舊樓單位時，無論是內籠狀況、簽買賣合約、抑或銀行按揭等方面皆需加倍留意，一不留神隨時「中伏」，影響置業大計。
有資深地產代理指，高齡舊樓內籠狀況一定要睇清睇楚，尤其是滲水、漏水問題更加不容忽視，若遇到心儀單位，最好相約有豐富睇樓經驗的人士一起睇樓檢查清楚。
他續說，市場上不乏俗稱「化妝樓」的連裝修舊樓放盤，雖然拎個篋可入住，但因有機會隱藏滲水、水電及僭建等問題，事後才發現恐怕得不償失。
他建議買家寧可購入內籠較殘的單位，勝在自己一手一腳找師傅跟裝修，尤其「唔好慳」重鋪電線及水喉，住得更安心。
另外，高齡舊樓難免面對樓宇大維修問題，費用可大可小，購入單位之前謹記向地產代理、業主立案法團或管理處查詢維修情況，簽買賣合約時不妨「白紙黑字」向原業主釐清繳付維修費的責任誰屬，只要列得清楚，即使成交期內宣布大廈維修，買家一樣可以免付維修費用。
按揭方面，高齡舊樓買家未必一定獲銀行借盡按揭，宜購入單位前先找銀行預先批核。僭建問題亦會影響銀行審批按揭的取態，建議多了解單位內籠狀況，以免失預算。
－－－－－－
香港樓市日日新鮮，話題多多，想睇晒最update樓市新聞短片，即刻click入 http://bit.ly/1M2kP95
樓市乍熱，想睇更多一、二手樓精彩故事，即click以下連結：
新盤置啱睇
二手置啱Feel