網民聯署要求美國宣布索羅斯係恐怖分子？

「國際大鱷」索羅斯(George Soros)四圍食大茶飯，唔少人聽見佢個名就色變，近日就有人喺美國白宮網站要求華府係宣布佢係恐怖分子！

話說8月20日有個署名「E.B.」嘅人係美國白宮網站發起聯署，話一名叫「George Soros」嘅人一直試圖針對美國同埋美國國民從事破壞穩定、煽動叛亂嘅行為，又設立同資助一大堆架構鬆散嘅組織，為嘅就係用恐怖手段推翻美國嘅制度，以及美國合憲嘅政府，然後仲話佢對成個民主黨同埋聯邦政府好大部分構成不正當、不健康嘅影響。

因此，「E.B.」要求美國司法部即刻認定嗰名叫「George Soros」嘅人士，以及佢屬下全部組織同職員係國內恐怖分子，兼且依法充公佢個人同組織名下所有資產。

原文相當冗長，乜嘢都質哂落一句，理應係眾數嘅「United States」又寫咗做單數「United State」，你以為佢玩膠無人理？太年輕喇你！依家已經有7萬幾個簽名！

按照慣例，聯署發起30日內如果收集到達到10萬個簽名嘅話，白宮就要回應。觀乎索羅斯本尊喺特朗普就任美國總統前1日大鬧佢「騙子」、「嘩眾取寵」，仲批死佢失敗收場云云。嗱，距離聯署限期仲有成大半個月，過10萬睇怕無乜難度，真係夠數嘅話唔知侵侵會點回應呢？

小二，花生兩客唔該！

─ ─ ─ ─ ─ ─

東網已全面支援360影片及相片，讓你全方位睇盡新聞大事，恍如置身現場，立即登入東網360專頁：http://on.cc/360vr/

「東網Money18」全新功能「貼市貼士」，助你掌握投資先機

http://bit.ly/2sLtGDm

「致富智庫」領悟理財/職場智慧，一Click改變一世

http://money18.on.cc/wealth