比特幣殺入樓市　買樓租樓可當現金！

虛擬貨幣用途愈來愈廣泛，由7年前買薄餅，到4年前買跑車，今年終於到香港人最鍾意租嘅細單位，用嚟交租！不過，租盤唔喺香港，而喺英國，比特幣(Bitcoin)係用嚟交按金。

今次呢個「比特幣概念盤」，仲有埋「共居」(Co-living)意念，即係幾個人合住，分攤租金及空間，一齊生活，最重要係，原來比特幣投資者可以用呢個方法鎖定利潤！

The Collective講明，接收比特幣做按金之後，就會承擔價格波動風險，到租客拎返按金時，就算比特幣個價大跌，都會按交按金時嘅原有價格，退返按金，所以帳面已經獲利不少嘅比特幣投資者，相當有吸引力。

另外，比特幣殺入樓市，其實早前剛有另一例子。話說阿聯酋杜拜已經出現「比特幣概念盤」，一房單位入場價盛惠30枚比特幣，折合大約105萬港元，不過今次The Collective連租盤按金都接受埋，仲要打入發展成熟嘅英國市場，究竟香港幾時可以用比特幣買劏房呢？

－－－－－－

「東網Money18」全新功能「貼市貼士」，助你掌握投資先機

http://bit.ly/2sLtGDm

致富智庫」領悟理財/職場智慧，一Click改變一世

http://money18.on.cc/wealth

東網已全面支援360影片及相片，讓你全方位睇盡新聞大事，恍如置身現場，立即登入東網360專頁：