李兆基個人網頁面世 分享成功之道
人稱「四叔」嘅恒基地產(00012)主席李兆基啱啱推出咗個人網頁，話到明個人，當然係講吓咁多年嚟嘅個人成就、社會榮譽、哲理名言、慈善項目之類啦。
話晒「四叔」已經接近90歲，人生閱歷豐富，睇吓佢嘅成功之道，一定學到嘢嘅。例如佢喺網頁分享營商處事之道，強調要做到6字真言：「止、定、靜、安、慮、得。」
對於時下年輕人，就勉勵必須做到4點：「刻苦耐勞，勤奮勉力」、「經濟未定，不宜早婚」、「要有第一桶金，以錢賺錢」、「男最怕入錯行，女最怕嫁錯郎」。至於點解？嗱！上網睇睇啦，唔鍾意睇文，可以睇片，「四叔」親自講畀你聽。網址係：http://bit.ly/2xYSsaw
除咗文字外，「四叔」可能驚大家悶，更分享咗唔少珍貴私密照，例如上世紀四十年代末初到香港，與親戚在淺水灣的合照；又有商界經典「三劍俠」，「四叔」年輕時都好靚仔㗎！
資料咁豐富，個網頁整咗幾耐？聽聞「四叔」喺一年幾前已落order，想同大家分享經歷，但又唔想攞住本書，上網方便好多，又有手機版，可以畀多啲人睇。講開又講，「四叔」好跟得上潮流，鍾意用iPad，之後有新嘢嘅話，網站都會更新，不妨多多留意。
─ ─ ─ ─ ─ ─
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載： https://goo.gl/7JP2hm
「東網Money18」全新功能「貼市貼士」，助你掌握投資先機