樓市恐爆！若港按息加0.75厘　11萬人頂唔順

東網電視

美國聯儲局議息結果將於香港時間周四(12月14日)凌晨3時出爐，市場預期截至明年底，美國聯儲局會加息4次，如香港實際按息加0.75厘，對供樓人士又會有咩影響？環聯就話，超過11萬人會因此「頂唔順」！面對「息魔」，有咩要留意？《東網》同你一齊分析！

【約有11.4萬名供樓人士每月尚欠500至1500元，才能繼續供樓!】

環聯香港區研究及顧問部總監Brendan Le Grange就話，全港49.5萬按揭人士中，當中只有77%嘅人可以承受供款利息上升成本。餘下達約11.4萬按揭人士則未必能承受利息上升成本，每月尚欠500元至1,500元不等，才能繼續供樓。

【供樓人士點算好？不如考慮淨係還信用卡Min Pay！】

每個月尚欠500元至1,500元不等才能供樓，按揭人士有咩對應方法？環聯就話，大部分按揭人士都可以透過還信用卡最低還款額(Min Pay)，而唔再每月還清卡數，從而抵銷因利息上升而增加嘅支出。

以每月供款15,800元為例，當實際按息加0.75厘，升至2.9厘後，每月供款額就會達17,300元，額外支出為1,500元。環聯建議，供樓人士由原本要還10,000元的信用卡款項，只還最低還款額300元，咁就可以調配出9,700元來抵銷利息上升帶來的支出增加。

【唔係有壓測？點解供樓人士都咁大鑊？】

事實上，金管局一直要求銀行承做按揭時，市民要通過假設按息升幅為3厘的「入息壓力測試」。

不過，環聯數據顯示，非銀行提供的私人貸款金額增長速度較銀行貸款快五倍。由此推斷，供樓人士可能在通過壓力測試後，再向財務公司借貸，導致整體債務增加，令供樓人士抵抗加息能力減弱。

【環聯教路，長遠要咁做...】

雖然還Min Pay可以在短時間內，抵銷利息上升帶來的支出。不過，環聯香港區研究及顧問部總監Brendan Le Grange就話，呢個方法可以話係「終極方案」(last resort)，長遠之計都係量入為出，即係減少支出，增加收入！

─ ─ ─ ─ ─ ─

虛擬貨幣新錢途︰

新股上市專輯︰

《骰寶坊》誠邀各地【賭王】【賭后】挑戰神人境界，每日更有百萬籌碼等你領取！

立即免費下載，體驗《骰寶坊》最真實、刺激的多人在線骰寶遊戲！

on.cc東網