睇樓逐呎度：客廳「世紀蚊型窗」你見過未？
20180304
東網電視
更多新聞短片
室內日光足夠嘅話，有助製造維他命D，住落確係人都精神啲、健康啲。不過，今次《睇樓逐呎度》參觀屯門時代廣場嘅一房單位，住戶可能要每日花少少時間落街散吓步，吸收陽光喇。事關單位客廳只得一隻「世紀蚊型窗」，闊度只有僅1.54方呎，窄成咁，採光同透風唔夠，喺大廳幾乎全日都係「烏燈黑火」。
呢款屯門時代廣場單位實用面積325方呎，樓底高8.65呎，其實屬典型嘅「眼鏡房」平排開則，但係面對住一個近乎無自然光嘅客廳，好多業主都唯有「兩房變一房」，拆咗其中一個房間，闢作客廳嘅一部分，令客廳呈錘仔形，廳長18.43呎，近門口闊11.55呎，而另一邊廳闊逾7呎，擺放家具空間即時變得充足。
若將單位照舊分間成兩個房間嘅話，唔單止冇乜陽光，而且客廳勁細，再加埋「五門歸心」設計，想搵幅大啲嘅牆擺家具都難。
至於較大嘅房面積超過74方呎，地方尚算寬敞，並有兩邊窗戶，室內光猛舒服。大門口左邊嘅浴室設有窗戶，空氣流通，但面積偏小，僅逾20方呎；廚房呈長形，面積約31方呎，細單位嚟講算係充裕。
屯門時代廣場坐落屯門市中心，於1988年落成，鄰近港鐵屯門站、商場、大型公園，以及巴士總站，生活便利。祥益袁思賢表示，新春效應令屋苑交投回軟，本月暫僅錄三宗買賣，狗年首周屋苑仍未錄成交，現時上述走訪嘅同類放盤最平叫價460萬元。
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：
香港樓市日日新鮮，話題多多，想睇晒最update樓市新聞短片，即刻click入http://bit.ly/1M2kP95
樓市乍熱，想睇更多一、二手樓精彩故事，即click以下連結：
新盤置啱睇
二手置啱Feel