點至係好企業？摩通主席話要打走呢6種「病菌」
20180409
東網電視
更多新聞短片
戴蒙（美聯社圖片）
摩根大通主席兼行政總裁戴蒙(Jamie Dimon)一年一度嘅致股東信，素來係市場必讀。除咗講大市、講公司業績，佢今年仲忽然講「病」？！
佢講嘅係「企業病」。話說佢先排喺個企業領袖聚會上，竟然聽到有人話現時咁複雜嘅國際商業及監管環境下，大企業出現「官僚」係自然不過嘅事！就係咁，搞到戴蒙要講番幾句，佢直指「官僚」係「企業大病」，會趕走啲有能力嘅人、拖慢決策，係滋生壞政治嘅溫床，佢仲提出點打「企業病菌」，總結有以下6招。
─ ─ ─ ─ ─ ─
【1、開少啲會】
戴蒙話，公司內部會議好多係嘥時間嘥錢，唔開唔得嘅會，唔該事先準備好有重點嘅議程同資料，兼且嗰啲最終能得出清晰決定嘅會，先好開。
查實，電動車企業Tesla(特斯拉)舵手馬斯克亦有同樣睇法，馬斯克直頭試過「剷」會議上齋「旁聽」嘅人：「一粒聲都冇出過，你做乜喺度？」
【2、搞心戰室】
摩通一向會就急須解決嘅問題，成立不同嘅小組「心戰室」，指派專責成員圍埋一齊集中傾，仲會限定要喺周內或月內，必須交出解決方法。
【3、不斷檢討標準運作】
戴蒙稱之為「重新想像」，做法係不時由底開始檢討所謂嘅「標準」運作，任何過時嘅、多餘嘅，一定唔留情，即時剷走。
【4、高層時刻自我批評】
戴蒙話，「沾沾自喜」係病，病源係之前嘅成功帶來傲慢，之後包保失敗跟手嚟。所以，做管理嘅，唔好記住有幾掂，反而必須時刻搵自己嘅弱點。
心理學家就稱呢種為「CEO病」，權位愈高就愈無自覺，要預防「染病」，做領袖嘅不但要鼓勵下屬坦誠回應，仲要心目中揀定一個「諫臣」。
【5、下放權力 鼓勵自主】
戴蒙多次強調「靈活管理」，即係給予下屬自由及彈性去落決定，佢話一定要下放必要嘅權力與資源，仲要畀下屬清楚知道，就算出錯亦唔會受罰。
【6、避免三種錯誤思維】
戴蒙話，決策出錯周不時係因為三種錯誤思維，即係一開始就諗錯隔籬。第一種係「非黑即白」，佢話今時今日喺現代社會，有好多方法可以調校政策，唔應該乜都「非黑即白」咁將某啲論點全盤推翻。
第二種錯係，將所有唔啱聽嘅視為「投訴」兼立即掃埋一邊。佢話，一收到「投訴」，更加要諗清楚會唔會對方可能係啱、或部分啱、同啱喺邊。
第三種錯係「唔聽人講」，愈係自命「自由開放」嘅人，就更要多睇多聽自己視為「保守」嘅文章及言論，反之亦然，咁樣思路先會清晰。
─ ─ ─ ─ ─ ─
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！遊戲下載：https://goo.gl/i2t1yj
中美貿易戰開打，全球震動，即上東網專頁
虛擬貨幣新錢途︰
新股上市專輯︰
「東網Money18」全新功能「貼市貼士」，助你掌握投資先機
「致富智庫」領悟理財/職場智慧，一Click改變一世