股神Fans「背叛師門」搞虛擬貨幣 邊個會贏？
20180418
東網電視
更多新聞短片
凌山（右）與巴菲特（左）
內地量化對沖資產管理公司實盈投資嘅創辦人兼CEO凌山，一向視股神巴菲特為偶像，但佢最近搞虛擬貨幣指數，而股神又出名睇死虛擬貨幣嘅喎，今趟咪「背叛師門」？！唔單止，佢仲想同股神賭番場添。
話說股神年年都有場「慈善午宴」畀人競投，價高者就可以同佢食餐晏，面對面傾吓偈。2015年嗰場餐飯，凌山有份跟埋去「朝聖」。呢位31歲嘅凌山係股神忠實Fans，多年來不斷研習股神嘅投資策略，非常咁仰慕股神，仲將自己同股神喺慈善午宴影嗰張合照做手機Wallpaper，長帶身邊。
不過咁喎，股神公開講過睇死虛擬貨幣最終會「衰收尾」，凌山依家仲搞虛擬貨幣指數「BB Index」，唔聽股神教誨？凌山話，佢喺股神身上學曉重視指數基金，今次只不過係將呢套應用於虛擬貨幣啫，佢有信心呢個集合26隻虛擬貨幣指數嘅「BB Index」回報，可以跑贏傳統對沖基金，甚至股神。
凌山仲話：「巴菲特之前贏咗場十年賭局，打賭指數基金跑贏對沖基金，我亦想同佢打賭，我嘅虛擬貨幣指數十年可跑贏佢嘅投資組合！」
巴菲特發迹時，咁啱趕上全球信貸與資產通脹嘅黃金大浪，結果上到「神枱」，但由千萬級身家進身百億級都要用26年，今時世界變，Facebook舵手朱克伯格用1年就搞掂。講到「背叛師門」咁嚴重？定係「青出於藍」？Let's see。
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：
中美貿易戰開打，全球震動，即上東網專頁