睇樓逐呎度：錦豐苑夠「和諧」 間隔任你擺
20180422
東網電視
更多新聞短片
90年代公居屋嘅經典「和諧式設計」，以間隔靈活、彈性作為賣點，屋主可以按照個人喜好，將屋企室內點布局都得。今期《睇樓逐呎度》走訪馬鞍山居屋錦豐苑最細嘅單位，正正採用呢個設計，唔單止分間成兩個睡房，仲巧妙咁區分埋客飯廳，好使好用！不過，同時全屋嘅中心位變相多咗條走廊，似乎幾浪費地方...大家又點睇呢？
單位實用面積431方呎，樓底8.01呎，原則只係提供浴室及廚房間隔，屋主按單位內3個窗位劃分客廳及兩個房間，其中細房及客廳位於單位盡頭，由於窗位闊6.25呎及7.5呎，採光度高之餘，同時可以引景入室。
近浴室嘅客房面積43方呎，內籠算係好用；而旁邊嘅客廳面積約100方呎，長12.48呎，擺位容易。至於原先對住客廳嘅浴室門口位改在廚房內，令客廳多咗一幅牆位嚟放置家具。
主人房近大門口，面積約54方呎，地方寬敞，惟房內僅設有一組三角小窗台，窗細兼位處凹位，令室內偏暗。
廚房面積逾73方呎，足夠擺放廚櫃及煮食爐具。值得一提嘅係，廚房面向房間嘅牆身被拆去，改成開放式吧枱，與大房對開嘅走廊相連接成可用餐嘅飯廳。而客飯廳之間有門相隔，煮食時就唔怕油煙四散。
世紀21奇豐程子健表示，錦豐苑沿馬鞍山海濱而建，提供唔少優質海景戶，吸引較多家庭客租住，如上述單位嘅同類海景戶，現時最平叫租1.48萬元，早前有同類海景戶以1.4萬元租出。
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：
中美貿易戰開打，全球震動，即上東網專頁
樓市乍熱，想睇更多一、二手樓精彩故事，即click以下連結：
新盤置啱睇
二手置啱Feel