恒大CEO年薪3億　未算打工皇帝

東網電視

恒大夏海鈞舊年薪酬接近三億元人民幣。

上市公司陸續出年報，又到咗猜猜誰是「打工皇帝」嘅時候。

係唔係舊年搵2.1億港元嘅長和(00001)聯席董事總經理霍建寧？喂！騰訊(00700)總裁劉熾平仲多，舊年酬金去到約2.37億元人民幣！不過一山還有一山高，中國恒大(03333)行政總裁兼執行董事夏海鈞舊年薪酬2.98億元人民幣！

恒大尋日出年報，一睇，相比2016年，夏海鈞嘅薪酬加咗10.31%，唔計購股權與董事袍金，都有成2.8億元人仔㗎！恒大舊年整個董事局薪金支出約3.38億元人民幣，單係夏海鈞份酬金就佔咗87.98%！

若以全年365日計，夏海鈞日賺81.66萬元人民幣。據本港打工仔2017年中嘅月入中位數1.68萬港元水平計，打工仔要捱起碼五年騾仔，先賺到佢份日薪。

新鮮出爐嘅上市公司打工皇帝就係夏海鈞？No喎。點解？事關騰訊2017年年報顯示，公司薪酬最高嘅兩位冇開名「神秘人」，分別年賺接近4.3億港元及4.78億港元，仲多過夏海鈞一大截。神秘人究竟會係邊個？絲絲兩個幾星期前咪畀過貼士囉，閣下自己睇番。

－－－－－－

《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！

遊戲下載：

「致富智庫」領悟理財/職場智慧，一Click改變一世

東網已全面支援360影片及相片，讓你全方位睇盡新聞大事，恍如置身現場，立即登入東網360專頁：

「東網Money18」全新功能「板塊追蹤」，助你分析投資先機

「東網Money18」全新功能「貼市貼士」，助你掌握投資先機

on.cc東網