m18講場：面對挑機 聯通王總施展乾坤大挪移
20180511
東網電視
更多新聞短片
王曉初（右二）
王總在業界呢份CV，係央企阿頭當中少見，絲絲所知，至少無人做齊三桶油，五大發電集團阿頭。話說聯通頭先AGM之後舉行記者會，有日本記者話聯通股本回報率(ROE)係3間公司當中最低！
面對日本人挑機，王總先坦承聯通ROE的確係比同業為低；但話鋒一轉，就話睇嘢應該要觀察變化同埋趨勢，過去咗嘅嘢冇人可以否認，依家聯通的管理層正喺度努力改變佢。
然後來料︰就好似「貴國(日本)的經濟」，二戰結束嘅時候一貧如洗，非常困難，但經過1950、1960年代，尤其係1970年代，日本經濟變得非常強大。所以大家要比聯通一啲時間，唔可以用今日嘅嘢就批死公司永遠都係咁，它會改變。聯通ROE回到全球通信業ROE平均水平指日可待！
其實，王總當年喺中移揸旗時，推出過「移動夢網」，即係增值內容，結果救咗騰訊之類網企一命。問到第日電訊商同網企咩關係，佢話好多電信商會覺得網企係OTT而視為敵人，但這個時代已經過去，大家都會合作為消費者提供更好嘅服務，聯通混改之後依方面嘅心得應該更多。
至於聯通之後會點「混改」，王總話探討在子公司層面組成合資公司來開發市場，主要係行業信息化，以及發展雲端、大數據同智能化嘅技術解決方案，同時要加快公司內部改革，等聯通這間傳統電訊商逐漸適應互聯網時代嘅經營方式，減少交易成本，以互聯網提高營運效率。
「混改」可以係業務合作，亦都可以組成合資公司，一般喺業務層面合作會進展得比較順利。聯通已經針對不同合作夥伴成立「聯合小組」討論合作領域同方式。
─ ─ ─ ─ ─ ─
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：
「東網Money18」全新功能「貼市貼士」，助你掌握投資先機