LME晚宴會場變身「大富翁」　參加者有「金」執！

倫敦金屬交易所(LME)亞洲年會重頭戲LME晚宴今晚(5月17日)舉行，每年晚宴都有特定主題，今年都唔例外，以「大富翁」遊戲做主題，會場佈置尤如玩緊「大富翁」遊戲，又有金幣、又有黃金執(當然係道具)，非常好玩！

心水清嘅朋友，就留意到「大富豪」遊戲英文名字係monopoly，莫非LME想壟斷全球商品市場？港交所(00388)行政總裁李小加致詞時就話當然唔係想壟斷，只係想模仿「大富翁」遊戲，擲下骰子，周圍shopping咁！咁LME又唔係咁多收購，可能想提供多啲產品比市場參與者啩！

今晚LME晚宴筳開153席，有超過1,900人參加，大會紀念品每年都係袖口鈕，唔講唔知，原來紀念品大有來頭，每年大會都會選擇一種金屬做袖口鈕紀念品，今年就選擇咗黃金，黃金嘅符號原來係圓圈加一點！

有去過英國LME晚宴嘅人就話，覺得香港LME晚宴好玩啲，除了英國LME晚宴規定要穿「踢死兔」同晚禮服外，晚宴仲有演講嘉賓，非常嚴肅又沉悶！

－－－－－－

《骰寶坊》誠邀各地【賭王】【賭后】挑戰神人境界，每日更有百萬籌碼等你領取！

立即免費下載，體驗《骰寶坊》最真實、刺激的多人在線骰寶遊戲！

遊戲下載：