講嘢要小心！劉強東一句話震驚京東8萬人
20180518
東網電視
更多新聞短片
劉強東(Getty Images圖片)
家陣內地好多民企老闆煩緊諗計挽留人才，稍一講大咗嚇親甚至激嬲咗啲員工，即刻要公開補鑊，京東集團主席兼CEO劉強東就係近期人辦。
話說劉總上個月喺西班牙舉行嘅世界零售大上講到，未來京東將會係間百分百由人工智能(AI)同機械人營運嘅無人公司，AI可以減少人類工時到一日只需做兩三個鐘，京東現時員工16萬，未來8萬就夠。
就係佢呢幾句，喺市場無敵發酵，被人話京東會裁走一半員工乜乜乜。唔知係咪已打擊到員工士氣，劉總早幾日天津出席第二屆世界智能大會演講時，急急澄清，話網傳佢要炒8萬人係「炒作」，「完全都是聳人聽聞，是不準確」喎。
劉總仲自動回帶，話自己當日嗰句意思係，若按京東目前規模，如果用AI的話，今日嘅工作大概只需8萬名員工就夠，而目前京東員工超過16萬名。
重點係下句，劉總仲話「但京東還在發展，未來還有10倍、20倍發展空間，所以京東仍需要人，我們永遠不會因技術迭代更新開除任何一個兄弟」。聽到老闆呢句定心丸，做細嘅係咪應該感動到喊呢可？但留意番，唔炒嘅係「兄弟」，喂佢有冇算你係佢「兄弟」先？
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：
中美貿易戰開打，全球震動，即上東網專頁