夏佳理Keep fit有方 瘦身秘訣係...

2018年06月13日 20:49
東網電視
更多新聞短片
夏佳理減肥後唔止身型Fit咗,仲好精神飽滿添!

港交所周三18歲生日,前主席夏佳理都有嚟俾面派對,冇見佢一排,成個身型Fit咗,又精神飽滿。原來夏佳理之前用咗半年時間Keep fit!

小記都想知佢用乜方法咁見效?夏佳理話,佢九成五時間冇食澱粉質如米飯,每餐仲只食七成半飽,結果就係咁!小記決定今日開始即刻試夏佳理餐單!

對於小加總裁續約三年,當年有份拍板小加做CEO(行政總裁)嘅夏佳理話,小加續約梗係好事,又話佢都做得幾好!至於港交所推出新上市制度,容納「同股不同權」公司,夏佳理就話,「終於」都推出,佢話以前其實都有諗過吓,新經濟係大勢所趨,係不可逆轉嘅潮流!

除咗夏佳理,小記同場發現專打老虎嘅證監會法規執行部執行董事魏建新亦都Fit咗好多,原來佢去做Gym,瘦咗足足五十磅!

睇嚟,夏日到,個個金融界猛人都想以最佳狀態示人!
------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!
立即免費下載,體驗《骰寶坊》最真實、刺激的多人在線骰寶遊戲!

遊戲下載:
https://goo.gl/i2t1yj