中美貿戰升溫：荃灣股神觀望 有散戶博撈底
20180619
東網電視
更多新聞短片
「荃灣股神」陳志強
中美貿易戰升溫，拖累港股大跌超過800點，內地股市挫3%至4%；道指期貨亦跌300點。面對環球小股災，散戶策略不一，有人先行觀望，有人趁低撈貨。
有「荃灣股神」之稱的陳志強稱：「兩個禮拜前，我感覺全球貿易戰愈演愈烈，唔對路，即刻沽晒百幾萬嘅藥業股，食咗胡先。」
他續指：「我暫時唔敢入市住，覺得繼續去旅行好過，呢排個市太Chok睇唔通。」
至於散戶陳先生就非常進取，話會撈貨等收成。他稱：「我就覺得富貴險中求，剛入咗招商銀行(03968)。」他又指：「今次唔算係股災，如果再跌多啲，先至會驚。依家唔係唔擔心，不過驚嘅話咪觀望住先，減啲倉囉！」
散戶投資者馬光健(KK)稱：「不少投資資產都係泡沫，由2008年開始，債務泡沫愈滾愈大，我亦長線睇淡港股，正部署買入恒指熊證，以及沽空騰訊控股(00700)。」
本身主力做虛擬貨幣投資的KK補充，個人年內並沒有炒股，只集中沽空虛擬貨幣，投資回報逾5成，賺近一百萬元。
－－－－－－
《骰寶坊》誠邀各地【賭王】【賭后】挑戰神人境界，每日更有百萬升碼等你取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：
「互聯餘額」數據，助你掌握北水動向
「東網Money18」全新功能「貼市貼士」，助你掌握投資先機
虛擬貨幣新錢途︰
新股上市專輯︰