黃國英投資Talk Show畀貼士 一次過睇晒!

20180624
東網電視
更多新聞短片
英Sir又開Talk Show,好多fans都捧場。
豐盛金融資產管理董事黃國英(英Sir)星期六(6月23日)晚再度舉行投資Talk Show,佢喺台上話,過去9年股市踏入了資產膨脹期,喺呢段期間不宜買債,而有一千幾百萬攞出嚟投資嘅人,除咗股票之外,其他投資工具選擇唔多。咁樣對股市起咗支持作用。
不過,最近嘅大跌市,就震走咗一批「賭得大」嘅投資者,好彩每次大震之後,股市都會平靜一段時間,畀嗰啲肯學習炒股嘅投資者有喘息機會喎。
喺台上,佢又講到投資嘅秘訣係「FORCE」,即係靈活性(Flexibility)、樂觀(Optimism)、責任(Responsibility)、信念(Conviction)和優勢(Edge)。
佢解釋話,有責任,才知道投資目標,不要賭運。靈活應變,増加彈性,以更多的策略應付變化,才能捕捉投資機會,例子係早年專研究細價股嘅佢,6、7年前見到細價股唔得,就擴闊視野,轉戰美股,尋求出路,結果食正知識型經濟股升浪。
2016年Talk Show時,佢對中國同香港股市唔太樂觀,但2017年佢北上做了幾趟互聯互通研討會及幾次上市公司考察,就改變對香港股市嘅睇法,主攻港股,結果食正大浪。
投資要樂觀,就如貿易戰,其實都冇咩大不了,時勢做英雄,中國經濟會加快轉型,品牌股有運行;通脹上升,有定價權的公司得益,如歐洲嘅奢侈品股。投資仲要信念同埋優勢,要明白市場只會「強者愈強」,弱者嘅市佔率只會被強者侵食;指數表現唔好唔緊要,最緊要睇中少數嘅強勢股,強勢股佔少數,所以只會愈嚟愈貴。
另外,佢話仲要有4大支柱,就是眼光、耐性、膽識同埋紀律,大家領悟吓啦!
至於全晚戲肉,當然係搵英Sir畀貼士啦﹗誠如2016年的Talk Show所講,今時今日做基金經理要打「世界波」,今年英Sir嘅貼士繼續分做「香港隊」同「美國隊」,其中「香港隊」有領展(00823)負責做「龍門」、「前鋒」係騰訊控股(00700);「中場」就有中海物業(02669)、碧桂園服務(06098)、微創醫療(00853)等;「後衛」就有友邦保險(01299)、粵海投資(00270)、首都機場(00694)、中國燃氣(00384)。
至於「美國隊」名單,「美國隊」名單,就包括蘋果公司、亞馬遜、Facebook、Netflix、Paypal、等;佢亦同時提到貝萊德(BlackRock)、Costco、跑車製造商法拉利(Ferrari)、郵輪公司皇家加勒比(Royal Caribbean Cruises)、Lululemon、IDEXX Laboratories等等...
嗱嗱嗱,大家好好把握喇!
─ ─ ─ ─ ─ ─
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!
遊戲下載:
「東網Money18」全新功能「貼市貼士」,助你掌握投資先機