【即市分析】港股牛去熊來 點解咁講？
20180712
東網電視
更多新聞短片
東方產經「股博士隨筆」專欄作者股博士：港股自2016年初反覆升至今年初，但自今年1月尾開始無力再上，2至6月反覆橫行後，6月中更受中美貿戰影響走勢急轉直下。港股牛市似乎已玩完，點解咁講？
近期港股反覆向下，主因除中美貿易戰外，其實仲有其他因素影響。首先，美元與港元息差擴闊，令資金持續自港元流入美元，而美國2年與10年期國債孳息差距收窄，亦為未來環球經濟前景埋下衰退伏線。
從月線圖分析，美國10年期國債孳息今年初已上破中期降軌阻力，最新報2.858厘；至於2年期國債孳息近期升勢加速，最新報2.59厘，兩者息差距已收窄至0.268，未來若出現「倒掛」，即短債息高於長債息，則美國出現經濟衰退機率將急升。美國唔掂，全球經濟都唔會好得去邊，外圍如是悲觀的話，港股亦難擺脫隱患。
其次，自去年尾至今年第一季，市場熱炒美國聯儲局加息速度會加快後，美元兌人民幣反覆向上，加上貿易保護主義抬頭，全球經貿增長自然減速，對環球經濟前景同樣不利。
再者，美國加息但香港未有跟隨，反映本地大型銀行此際不敢輕舉妄動，以免加息後令貸款業務市佔率大跌。不過，預期香港未來勢跟隨美國加息，屆時按揭息率上升，勢增加營商及按揭成本，除對樓市做成影響外，亦同時減弱市場資金流動性，本地出口及基礎投資亦可能受波及。
總括以上眾多因素，暗示港股即使尚待更多訊號以確認進入熊市，但牛市玩完的機會極高，若考慮特朗普新增對中國的2,000億美元商品加徵10%關稅的限期為8月底，即還有接近2個月之「安全期」可以作最後撤退，應該如何行動，值得大家深思！
─ ─ ─ ─ ─ ─
「東網Money18」全新功能「貼市貼士」，助你掌握投資先機
「互聯餘額」數據，助你掌握北水動向