內房股改名潮 搣甩「地產」兩粒字
20180716
東網電視
更多新聞短片
7月熱到癲，不過對內地房企來講，卻係個寒冬！近排出現內房股「改名潮」求轉型，就周一(16日)，又多間合景泰富(01813)開股東會通過咗要將公司名搣甩「地產」兩粒字。
內地房企前景有幾淡？連萬科(02202)主席郁亮上月底喺股東會上都話：「十年後，萬科還會是地產公司嗎？我想不是了，如果還是，那也是慘淡經營了。」佢表明未來萬科要做「美好生活的服務商」，希望啲人一提起萬科，唔係諗起樓咁話。
唔知係自讚定自嘲，佢仲話集團個名改得好，一早叫「萬科企業」而非「萬科地產」，話依家打算將各旗下公司名嘅「地產」二字掉走。睇嚟想逐步同「房地產」講Bye。
呢半年，唔少內房股改名唔要「地產」兩個字。朗詩綠色(00106)嘅理由講得最直接，話公司業務已由傳統地產發展延伸至其他領域，舊名唔「匹配」。龍湖(00960)就話，改名「更符合集團長期業務策略」，合景泰富話新名「更好反映集團業務擴張策略」，時代中國(01233)就話改名「更好地反映全新公司身份及形象」。講白啲，全部都想轉型求多元化，總之唔要齋地產一味。
內地近年「去槓桿」大環璄下，地產有幾惡搞？自舊年下半年起，已頻傳出內房融資困難。早排綠城中國(03900)就爆出要求員工遵守六大政策，以加速資金回籠。碧桂園(02007)月初亦傳出叫停喺內地三、四、五線城市擴張嘅「全覆蓋」戰略，不惜放棄規模與利潤，都要保住現金流，仲傳話上月起叫停投地添。
雖然碧桂園之後澄清話冇叫停過「全覆蓋」策略，但連內房股龍頭都有啲咁嘅風傳出，可想而知呢個寒冬有幾冷。
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！
遊戲下載：
新盤置啱睇
二手置啱Feel