關於儲錢嘅5大疑問 同你逐一解答!

2018年09月16日 13:07
東網電視
更多新聞短片
(Getty Images圖片)

想儲錢,有諸多問題但又唔敢問?以下將逐一同你解答!

Q︰幾時開始儲錢最適合?
A︰即刻!

儲錢當然係愈早愈好,如果沒有明確的儲錢目標。可以考慮用儲到嘅錢幫自己成立一筆「應急基金」,有需要再攞嚟用,當遇上突發情況都有筆錢傍身。人生充滿意外,準備一筆救急之財百利而無一害。

------
Q︰儲幾多先啱?
A︰有咁多儲咁多。

如果情況許可,應急儲蓄最好能夠應付3個月的開支。如果想更有效率地儲錢,最好就記錄自己平時嘅收入同開支。預算每月能夠儲多少,審視過往消費習慣,削減不必要的開支。

------
Q︰用咩儲蓄戶口比較好?
A︰最普通嘅就已經可以。

如果純粹想儲蓄作不時之需,最好就揀沒有最低存款額限制的戶口;如果係為咗買樓或者結婚,因為牽涉金額較高同時間較長,可以考慮較高息嘅儲蓄戶口,不過該類戶口通常都會有限制,例如最低存款額、現金流量等。

------
Q︰儲錢同投資有乜分別?
A︰先儲錢,先有得投資。

當你有已經一筆錢備不時之需,有閒錢就可以拎去投資,喺大多數情況下,你投資所賺取嘅回報都會多過靠存款所得利息。

------
Q︰MPF係乜?
A︰MPF可以算係幫你儲錢嘅計劃,但唔可以靠晒佢。

MPF全名是強制性公積金計劃,又稱強積金,你同僱主要每月向MPF計劃作出供款,雙方的最低供款額均為月薪的5%。但一般情況下你只能夠在65歲先可以取回供款,即係要退休先用得。如果你有其他目標,最好正正經經咁去儲錢。

------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!立即免費下載,體驗《骰寶坊》最真實、刺激的多人在線骰寶遊戲!
遊戲下載:
https://goo.gl/i2t1yj

虛擬貨幣新錢途︰
http://on.cc/virtualcoins/

新股上市專輯︰
http://money18.on.cc/IPO/

「東網Money18」全新功能「貼市貼士」,助你掌握投資先機
http://bit.ly/2sLtGDm