m18講場：瑞銀撈埋speed dating！

瑞銀今日(18日)舉行創新科技高峰會，討論未來幾年最值得投資嘅創新科技，好似金融科技、醫療科技、區塊鏈、遊戲同數據等。瑞銀財富管理大中華區主席及主管盧彩雲(Amy)話，家陣要入金融業，真係要深入認識科技最新發展先至掂！

雖則依家嚟瑞銀見工，仲未去到無programming、data analytics等技能就「免問」嘅地步，但Amy話，密切留意科技發展一定有優勢。依家銀行都開始話自己係科企，瑞銀都要透過科技跳出固有業務模式，更好地服侍客戶，以維持行業領導地位。

咁講法，人類係咪無掟企？又唔係，話哂銀行都要湊客。唔講唔知，原來多元化之下，瑞銀業務做埋speed dating！咩料？之唔係帶客戶見識AI、機械人方面嘅專家，話比佢哋聽依家科技進展到咩地步，等專家建議點運用科技；「撮合」吓家族辦公室同啲科技初創企業囉！

－－－－－－

《骰寶坊》誠邀各地【賭王】【賭后】挑戰神人境界，每日更有百萬籌碼等你領取！

立即免費下載，體驗《骰寶坊》最真實、刺激的多人在線骰寶遊戲！

遊戲下載：