睇樓逐呎度：睡房細過廚房 究竟想玩咩？
20181021
東網電視
更多新聞短片
如果層樓畀大家選擇，想煮食地方多啲，還是睡房空間大啲呢？今次《睇樓逐呎度》參觀咗長沙灣喜漾嘅一房單位，表面上睇嚟平平無奇，但仔細睇真啲，睡房認真「迷你」，面積只有45方呎，擺完張床之後地方真係所剩無幾...
以為全屋都係咁細？咁又唔係喎！呢個單位開則，奇就奇在廚房足足有55方呎，長度接近11呎，外面仲附設工作平台，仲唔係「煮飯」族至Like？
事實上，單位實用面積397方呎，進入大門口即見長形廳堂，全無虛位，廳長18.66呎、闊8.07呎，面積約150方呎，配合9.69呎高樓底，空間感強。客廳外連露台，有落地玻璃趟門及窗戶相隔，感覺光猛舒服；然而露台長4.99呎、闊3.3呎，面積16方呎，略嫌逼狹。至於近大門口嘅飯廳，可容納較大型餐桌，地方寬敞。
喜漾落成約兩年，由2座物業組成，鄰近港鐵長沙灣站，周邊生活配套齊全。港置方文偉表示，屋苑樓齡新，且設有會所，向來吸引年輕家庭客進駐，租盤搶手，而上述單位同類放盤新近以每月18,000港元租出，現時這類一房單位最平叫租19,000元。
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！
遊戲下載：
想睇更多一、二手樓精彩故事，即click以下連結：
新盤置啱睇
二手置啱Feel