微軟納德拉獲選2018年美國最佳CEO
20181212
東網電視
更多新聞短片
評審指出，納德拉勇於承認錯失獲員工讚賞。(美聯社圖片)
學做好老細，不妨學吓微軟CEO納德拉。今年美國最佳CEO由微軟獲得，雖然納德拉知名度係就係唔夠其他巨頭CEO勁，但納德拉勝在受萬人愛戴。
根據Comparably.com《2018年美國最佳CEO排名榜》獲獎名單，一四年上任嘅微軟CEO納德拉排名第一，佢跑出原因真係好簡單，就係背後有幾千個微軟員工撐佢，員工畀佢嘅分數高到令人難以置信。
報告話，其實三年幾前，微軟唔係美國科技領域嘅寵兒，但依家成為世界市值最高嘅公司，最新市值高達8,336億美元，微嘅員工認為納德拉居功至偉，成功令公司渡過43歲中年危機。
咁近年被捧上天嘅美國大型科技龍頭嘅CEO究竟衰啲咩？佢哋大部分人表現平平，負面新聞就多籮籮，公司股價又插水，員工點會唔走。好似亞馬遜貝索斯只排第六，蘋果公司（Apple Inc.）庫克排第12、特斯拉（Tesla）馬斯克排第19、Facebook嘅朱克伯格只排33。連報告都提醒，想做最佳CEO好簡單，只要獲得員工愛戴咪得囉！
值得一提嘅係，另一份由《福布斯》聯合Just Capital公布嘅《美國最優秀企業》排行榜，訪問咗逾8萬名美國人，結果微軟非常意外地喺綜合評分排第一，成為年度美國最優秀企業，雙喜臨門，絲絲都要講番句「我真係恭喜你呀！」
－－－－－－
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！立即免費下載，體驗《骰寶坊》最真實、刺激的多人在線骰寶遊戲！
遊戲下載：