【即市分析】港股兩萬九關行人止步?

20190306
東網電視
更多新聞短片
東方產經專欄作者HS哥:港股開始拉牛上樹之際,最終又係要隻股王騰訊控股(00700)出來撐市,周二(5日)股價抽升4%報361.4元,上破250日線,為去年7月以來首次。其實淨係股王已經貢獻恒指121點,恒指能倒升2點收市,全靠股王頂住!
問題來了,究竟港股後市能唔能夠單靠隻騰訊就可以單天保至尊呢?抑或恒指升抵兩萬九關就要行人止步?以現時市況來看,又未見到大部分股票下跌而僅股王上升的極端情況出現。所以都係咪咁多心,保持警惕,做好風險管理,順勢而行就好。若果覺得持貨太多唔安心,就適量減磅,免得心理壓力過大,等爆邊再算。
─ ─ ─ ─ ─ ─
「東網Money18」全新功能「貼市貼士」,助你掌握投資先機
「互聯餘額」數據,助你掌握北水動向