【即市分析】細價股佔據升幅榜有何啟示?

20190308
東網電視
更多新聞短片
東方產經專欄作者HS哥:美股回調咗幾日,港股周四(7日)終於都跟住跌,騰訊控股(00700)250日線不保,香港交易所(00388)初步失守升軌支持,早前強勢的中資券商股及內險股都要跟住跌。雖然昨日恒指跌逾兩百點,但升幅榜中,幾乎係「細價股天下」(見附圖),且升幅皆雙位數字。究竟細價股逆市發力的現象,對港股有何啟示?
始終每個大升浪,中途都會有調整浪出現,而要留意的是,細價股升浪一向係升市尾段先至出現,因為大價股升到咁上下,資金就開始沽貨套利,小量資金會流入與指數表現沒太大直接關係的細價股,一來短炒一轉落後,二來有助維持市場氣氛,可當沽貨行動完成,則大、中、小股就會全線通殺。所以,見到呢個現象,持倉太多者就要好自為之了。
技術走勢方面,恒指周四失守10日線,MACD已經牛轉熊,短期如果失守埋20日線約28,565點,就真係無眼睇。投資者要打醒十二分精神,別被「假牛」市況沖昏頭腦,謹記要量力而為,注意風險。
─ ─ ─ ─ ─ ─
「東網Money18」全新功能「貼市貼士」,助你掌握投資先機
「互聯餘額」數據,助你掌握北水動向