【即市分析】四大理由撐起騰訊

20190312
東網電視
更多新聞短片
東方產經專欄作者帥哥:美股隔晚先跌後升,港股今日(周二)借機再發力,一眾藍籌重榜股都升得唔錯,中國移動(00941)即市升1.2%,友邦保險(01299)升1.8%,滙豐控股(00005)升0.3%,而騰訊控股(00700)則升1.3%,唔通今次股王終於要發威?
從基本面睇,騰訊今次再次領軍衝上的機會唔細,主因有幾個:首先,早前大市回調之際,科網及軟件股都冇乜點跌,盡顯防守力,如果板塊氣氛持續向好,咁作為龍頭的騰訊又點會弱?
其次,大行瑞信最新報告指,騰訊上周三(6日)發布手遊《完美世界》,而該遊戲在3月6日至9日於蘋果iOS遊戲下載榜居首位,考慮到遊戲之知識產權已在中國逾10年歷史,估計該遊戲令市場感到驚喜,故維持騰訊「跑贏大市」之投資評級,目標價411元。
再者,國家廣電總局早新公布的第8批遊戲,其中集團的《尋仙2》獲批,若未來新遊戲審批速度加快,料市場將重估該股之盈利前景。
最後,近期大市氣氛好轉,資金雖然開始追尋落後板塊,惟若然指數要再上,作為重榜股的騰訊亦唔會坐定定,最少指數基金都要跟勢買貨,有利股價進一步上升。
由此可見,騰訊基本面有改善之餘,股價亦乘勢起動,未來若有機會落番10日線約350元水平,似乎係唔錯的收集機會,大家不妨望多兩眼。
─ ─ ─ ─ ─ ─
「東網Money18」全新功能「貼市貼士」,助你掌握投資先機
「互聯餘額」數據,助你掌握北水動向